Wafanyakazi wa DAWASCO Wafanya usafi Muhimbili Leo.

 Mkurugenzi wa Uuguzi  na Ukunga, Agnes Mtawa katika Hospitali ya Taifa ya Muhimbili (MNH) akizungumza na wafanyakazi wa DAWASCO na Muhimbili kabla ya kuanza kwa shughuli ya usafi kwenye hospitali hiyo LEO ASUBUHI. Kushoto ni Ofisa Mtendaji Mkuu wa DAWASCO, Mhandisi Cyprian Luhemeja.

 Wafanyakazi wa DAWASCO na Muhimbili wakimsikiliza Mkurugenzi wa Uuguzi  na Ukunga, Agnes Mtawa wa hospitali hiyo leo asubuhi.

 Wafanyakazi wa DAWASCO wakiendelea na shughuli za usafi katika Hospiyali hiyo Leo asubuhi.

 Wafanyakazi wa Hospitali ya Taifa Muhimbili (MNH) na DAWASCO wakifanya usafi Leo asubuhi katika hospitali hiyo.

 Gari la kutoa maji taka nalo halikuwa nyuma kwani DAWASCO na Muhimbili wamehakikisha usafi wa uhakika unafanyika leo.

 Wafanyakazi wa DAWASCO wakikusanya takataka wakati shughuli za usafi zikiendelea katika hospitali hiyo leo Asubuhi.

Mkuu wa Wilaya ya Ilala, Raymond Mushi akikabidhi msaada kwa Mkurugenzi wa Uuguzi na Ukunga, Agnes Mtawa katika Hospitali hiyo baada ya kumalizika kwa shughuli za usafi leo asubuhi. Kulia ni Ofisa Mtendaji Mkuu wa DAWASCO, Mhandisi Cyprian Luhemeja.  

Picha zote na John Stephen, Hospitali ya Taifa ya Muhimbili (MNH)

SHIRIKA la Majisafi na Majitaka Dar es salaam  (DAWASCO)  limefanya usafi katika Hospitali ya Taifa Muhimbili (MNH) kwa lengo la kudumisha ushirikiano, lakini pia kutekeleza agizo la Rais Dk John  Magufuli la  kufanya usafi katika maeneo mbalimbali nchini.

Usafi huo umeongozwa na Mkuu wa Wilaya ya Ilala, Raymond Mushi ,  Mkurugenzi wa Uuguzi na Ukunga wa Muhimbili,   Agnes Mtawa pamoja na Afisa Mtendaji Mkuu wa DAWASCO  Mhandisi Cyprian Luhemeja.

Usafi huo umefanyika katika maeneo yote muhimu ya Hospitali ikiwemo utoaji wa maji taka .

Akizungumza mara baada ya zoezi hilo,  Mkuu wa wilaya ya Ilala Raymond Mushi amesema zoezi la kufanya usafi lazima  halina budi kuwa endelevu ili kuhakikisha maeneo yote yanakua safi lakini pia epuka magonjwa ya mlipuko ikiwemo kipindupindu.

Kwa upande wake Mkurugenzi Mtawa amewashukuru DAWASCO kwa uamuzi wa kuja kufanya usafi MNH ambapo ametumia fursa hiyo  pia kuwaomba wafanyakazi wa Shirika hilo kujitolea kuchangia damu ili kuokoa maisha ya wagonjwa ambao wanahitaji damu.

Pamoja na mambo mengine DAWASCO wametoa msaada wa vitu mbalimbali kwa ajili ya wagonjwa ambao wamelazwa Hospitalini hapo  ambao wanapatiwa matibabu .

Neema Mwangomo, Afisa Uhusiano, MNH.

PROF. MBARAWA AKAGUA KIVUKO CHA MV. MALAGARASI, TTCL, POSTA NA KIWANJA CHA NDEGE MKOANI KIGOMA

Muonekano wa kivuko cha MV. Malagarasi kilichopo katika eneo la Ilagala mkoani Kigoma. Kivuko hicho kina uwezo wa kubeba abiria 100, magari sita na tani 50 kwa wakati mmoja.

Waziri wa Ujenzi, Uchukuzi na Mawasiliano Profesa Makame Mbarawa (wa tatu kushoto), akipata maelezo ya kivuko cha MV. Malagarasi kutoka kwa Msimamizi wa Kivuko hicho kabla ya kukikagua. Kulia ni Meneja wa Wakala wa Barabara nchini (TANROADS), mkoani kigoma Eng. Narcis Choma na Wa pili kushoto ni Mbunge wa Kigoma Mjini Mhe. Zitto Kabwe.

Waziri wa Ujenzi, Uchukuzi na Mawasiliano Profesa Makame Mbarawa akishuka katika Kivuko cha MV. Malagarasi mara baada ya kukikagua na kuona namna ya kivuko hicho kinavyofanya kazi.

Waziri wa Ujenzi, Uchukuzi na Mawasiliano Profesa Makame Mbarawa (wa pili kulia), akioneshwa vifaa vya uokoaji katika kivuko cha MV. Malagarasi.

Waziri wa Ujenzi, Uchukuzi na Mawasiliano Profesa Makame Mbarawa (kushoto) akijadiliana jambo na mmoja wa abiria wa Kivuko cha MV. Malagarasi.

Meneja wa Wakala wa Barabara nchini (TANROADS, mkoani kigoma Eng. Narcis Choma (wa tatu kushoto) akimuonesha Waziri wa Ujenzi, Uchukuzi na Mawasiliano Profesa Makame Mbarawa (wa tatu kulia), barabara ya Simbo-Kalya yenye urefu wa zaidi ya Km 200 Kusini mwa Ziwa Tanganyika itakayoanza kujengwa hivi karibuni wilayani Uvinza mkoani Kigoma.

Waziri wa Ujenzi, Uchukuzi na Mawasiliano Profesa Makame Mbarawa akitoa maelekezo kwa wananchi wa Ilagala, Sunuka, Karago, Herembe, Kapalamsenga, Mgambazi, Lukoma hadi Kashagulu ya namna sahihi ya kutumia kivuko cha MV. Malagarasi, mkoani Kigoma.

Waziri wa Ujenzi, Uchukuzi na Mawasiliano Profesa Makame Mbarawa (wa kwanza kulia), akioneshwa namna ya huduma za uongozaji ndege zianvyofanyika katika kituo cha Kigoma. Kushoto ni Meneja wa Mamlaka ya Usafiri wa Anga mkoani Kigoma Bw. Godlove Longole na katikati ni Mbunge wa Kigoma Mjini Mhe. Zitto Kabwe akifatilia.

Waziri wa Ujenzi, Uchukuzi na Mawasiliano Profesa Makame Mbarawa (kulia), akipata maelezo kutoka kwa Meneja wa Mamlaka ya Usafiri wa Anga mkoani Kigoma Bw. Godlove Longole wakati alipokagua Uwanja wa Ndege mkoani hapo. Wa pili kulia ni Mbunge wa kigoma Mjini Mhe. Zitto Kabwe akifatilia.

Waziri wa Ujenzi, Uchukuzi na Mawasiliano Profesa Makame Mbarawa (kushoto), akijadiliana jambo na Mkurugenzi Mkuu wa Shirika la Reli Nchini (TRL) Bw. Masanja Kadogosa (kulia), wakati wa mkutano na wafanyabiashara wanaosafirisha bidhaa zao katika mwambao wa Ziwa Tanganyika, mkoani Kigoma.

Wafanyakazi wa Kampuni ya Simu nchini (TTCL) katika picha ya pamoja na Waziri wa Ujenzi, Uchukuzi na Mawasiliano Profesa Makame Mbarawa (katikati waliokaa). Kulia ni Mkurugenzi Mkuu wa TTCL Dkt. Kamugisha Kazaura.

Faida kuu 5 za kutumia .tz domain kwenye biashara

Tayari umeshamaliza kusajili kampuni Brela na sasa unajiandaa kukamilisha taratibu za kupata TIN kutoka TRA na hatimaye leseni ya biashara ili kuanza rasmi biashara yako. Umeshikwa na shauku kubwa kusubiria siku kuu ambayo utakata keki kuashiria ufunguaji rasmi wa biashara yako. Lakini, Dudumizi inapenda kukukumbusha kuna kitu umekisahau kwenye orodha ya shughuli za kufanya, nacho ni usajili wa .co.tz domain.

Kumbuka, si lazima uwe na Website ndiyo usajili Domain, usajili wa domain unatakiwa kufanyika mapema ili kulinda jina lako hata kama haujaanza kulitumia. Sajili domain hapa.

Historia ya majina ya Website:

Kabla ya mwaka 1984 ambayo University of Wisconsin technicians walitengeneza seva za majina ya website(Name Server), hakukuwa na majina ya Website, watu walitumia namba tu, mfano, kama unataka kutembelea Website ya Dudumizi, ulitakiwa kuandika https://198.207.55.196. Hebu fikiria tungekwa tunaiandikaje kwenye Business card?

Mwaka 1985, majina ya Website kwa kutumia .com, .net na .org yalianza kutumika na watu kuanza kuachana na namba. Kwa kulitambua hilo, kwa tanzania, mchakato ulianza mwaka 1995 na hatimaye, TCRA iliuna tzNIC kama msimamizi mkuu wa .tz domaiin, na hatimaye, mwaka 2009, tzNIC ilianza rasmi kumanage majina ya .tz domain kupitia kwa mawakala wake, Dudumizi ikiwa mmoja wao.

Ingawa wapo watu wenye shauku ya kumiliki domain ya .co.tz lakini, kuna maswali au utata unaozunguka kichwani, hivyo, makala hii itasaidia kutatua maswali yanayoweza kujitokeza kuhusu .tz domain.

1. Je nitahitaji .tz pamoja na .com

Jibu la swali hili ni NDIYO au HAPANA, .tz ndiyo mpango mzima. Haijalishi unafanya biashara Tanzania pekee au dunia nzima, .tz itakufikisha huko na inatosha kabisa. Kumbuka, haijalishi unatumia kikoa cha .tz au .com, zote zitapatikanika dunia nzima. Tofauti tu, kwa kutumia .tz mtu anaweza kujua moja kwa moja hii ipo Tanzania bila hata kwenda kwenye mawasiliano.

Kuna woga au dhana ambayo ipo kwa wengi wetu ya kuhofia matumizi ya .co.tz inayopelekea kuamini kama .com ndiyo inayojulikana na watu. Google imeboresha sana upatikanaji wa Website bila kuathiriwa na kikoa.

2. .tz inakuwezesha kurudisha domain iliyopotea

Ni mara ngapi imeshatokea umepoteza mawasiliano na mtu aliyekutengenezea Website au kukusajilia domain (kwa wale wanaotumia watu binafsi), au ni mara ngapi mumeshindwa kufikia maelewano na mtu aliyekukusajilia domain na kupelekea kutaka kuifungia domain hiyo?

Kwakuwa usimamizi wa .tz unafanyika Tanzania moja kwa moja, hivyo, endapo kutatokea tatizo lolote na mtu aliyekusajilia domain mukashindwa kuwa na mawasiliano, kama unatumia .tz domain, taasisi ya tzNIC itakuwezesha kurudisha domain hiyo punde tuu utakapowasilisha taarifu za uhakikiwa umiliki wake.

3. .tz inakuwakilisha Kitanzania Zaidi

Mtembeleaji wa wavuti anapoona kikoo cha .tz, basi moja kwa moja anajua kuna mahusiano na Tanzania. Hivyo, hii hupelekea kuwa na imani na utulivu kwakuwa wateja wengi hupenda kufanya kazi na kampuni zilizo karibu nao.

Kwa mfano, makampuni ya kitalii, hii ni moja ya nyenzo muhimu sana kwenye kujitangaza, kwani watalii wanapenda kufanya kazi na mtu aliye karibu na eneo husika, .tz ni kiashiria tosha.

Ndiyo maana, hata Google wameamua kutumia Google.co.tz ambayo inawalenga watu wa Tanzania.

4. Uwanja mpana wa kuchagua

Ni mara ngapi umeona website imeongezewa tz mbele ya jina, mfano dudumizitz.com au michongotz.comkwakuwa majina ya kwanza yameshachukuliwa na muhusika anapenda  tuu kutumia .com. Kwanini usingefikiria kutumia majina kama dudumizi.co.tz badala ya dudumizitz.com?

 Kwa, kutumia .tz, unao uwanja mpana wa machaguzi kwakuwa majina mengi sana bado hayajachukuliwa.

5. Uzalendo

Ndiyo, kwa kutumia vikoa vya .tz, tunasaidia kutangaza nchi yetu, watu wanapoona domain za .tz inawasaidia kuikumbuka Tanzania na kufika mbali zaidi.

Unayo kila sababu ya kusajili .tz domain, kumbuka pia kusajili domain kutoka kwa makampuni yenye uhakika ili kuepuka kupoteza uhalali wa umiliki wake. Gharama za kusajili domain za .tz ni 25000 tu. Hivyo, sajili Domain yako Hapa.

Waziri Simbachawene afanya kikao na wadau wa mradi wa mabasi yaendayo haraka

Waziri wa Nchi Ofisi ya Rais Tawala za Mikoa na Serikali za Mitaa (OR-TAMISEMI) George Simbachawene (kushoto) akiongea na wadau wa mradi wa mabasi yaendayo haraka (hawapo pichani) yanayosimamiwa na Wakala wa Mabasi Yaendayo Haraka (DART) jijini Dar es salaam. Kulia ni Mtendaji Mkuu wa Wakala wa Barabara Tanzania (TANROADS) Mhandisi Patrick Mfugale.

Waziri wa Nchi Ofisi ya Rais Tawala za Mikoa na Serikali za Mitaa (OR-TAMISEMI) George Simbachawene (kulia) akiongea na wadau wa mradi wa mabasi yaendayo haraka (hawapo pichani) yanayosimamiwa na Wakala wa Mabasi Yaendayo Haraka (DART) jijini Dar es salaam. Kushoto ni Naibu Waziri Nchi Ofisi ya Rais Tawala za Mikoa na Serikali za Mitaa (OR-TAMISEMI) Selemani Jaffo.

Kaimu Mtendaji Mkuu Wakala wa Mabasi Yaendayo Haraka (DART) Mhandisi Ronald Lwekatare akitoa taarifa ya mradi wa mabasi yaendayo haraka kwa Waziri wa Nchi Ofisi ya Rais Tawala za Mikoa na Serikali za Mitaa (OR-TAMISEMI) George Simbachawene (kushoto) akiongea na wadau wa mradi wa mabasi yaendayo haraka (hawapo pichani) yanayosimamiwa na Wakala wa Mabasi Yaendayo Haraka (DART) jijini Dar es salaam. Katikati ni Naibu Waziri Nchi Ofisi ya Rais Tawala za Mikoa na Serikali za Mitaa (OR-TAMISEMI) Selemani Jaffo.

Waziri wa Nchi Ofisi ya Rais Tawala za Mikoa na Serikali za Mitaa (OR-TAMISEMI) George Simbachawene (wa pili kulia) akiongea na wadau wa mradi wa mabasi yaendayo haraka yanayosimamiwa na Wakala wa Mabasi Yaendayo Haraka (DART) jijini Dar es salaam.

Msajili Masaidizi wa Hazina Jones Mwalemba akitoa ufafanuzi namna ofisi yake inavyochangia katika kukamilisha mradi wa mabasi yaendayo haraka wakati wa mkutano wa Waziri wa Nchi Ofisi ya Rais Tawala za Mikoa na Serikali za Mitaa (OR-TAMISEMI) George Simbachawene alipokuwa akiongea na wadau wa mradi wa mabasi yaendayo haraka yanayosimamiwa na Wakala wa Mabasi Yaendayo Haraka (DART) jijini Dar es salaam.

Mkurugenzi wa Takwimu UDART Hamdi Al-Hadj akifafanua jambo wakati wa mkutano wa Waziri wa Nchi Ofisi ya Rais Tawala za Mikoa na Serikali za Mitaa (OR-TAMISEMI) George Simbachawene alipokuwa akiongea na wadau wa mradi wa mabasi yaendayo haraka yanayosimamiwa na Wakala wa Mabasi Yaendayo Haraka (DART) jijini Dar es salaam.

Baadhi ya wafanyakazi wa Wakala wa Mabasi Yaendayo Haraka (DART) mkutano wa Waziri wa Nchi Ofisi ya Rais Tawala za Mikoa na Serikali za Mitaa (OR-TAMISEMI) George Simbachawene alipokuwa akiongea na wadau wa mradi wa mabasi yaendayo haraka yanayosimamiwa na Wakala wa Mabasi Yaendayo Haraka (DART) jijini Dar es salaam. (Picha na Eleuteri Mangi-MAELEZO)

PROFESA MDOE AIELEZA KAMATI YA BUNGE MIKAKATI KUTATUA CHANGAMOTO SEKTA YA MADINI

 Naibu Katibu Mkuu wa Wizara ya Nishati na Madini anayeshughulikia Madini, Profesa James Mdoe (katikati) akiwa na Wajumbe wa Kamati ya Kudumu ya Bunge ya Nishati na Madini, wakisikiliza maelezo kutoka kwa Meneja wa Mgodi wa Tanzanite, Emmanuel Mbise ulioko Kitalu B, Mirerani. Mgodi huo unamilikiwa na Mchimbaji Mdogo, Ester Ndosi.

 Kamishna Msaidizi wa Madini, Kanda ya Kaskazini, Elias Kayandabila, akifafanua jambo kwa Wajumbe wa Kamati ya Kudumu ya Bunge ya Nishati na Madini, walipotembelea Mgodi wa madini ya Tanzanite wa Franone uliopo Kitalu D, Mirerani. Wa kwanza Kulia ni Naibu Katibu Mkuu wa Wizara ya Nishati na Madini, anayeshughulikia Madini, Profesa James Mdoe.

Kaimu Kamishna wa Madini, Mhandisi Ally Samaje (Kulia), akimwonyesha Naibu Katibu Mkuu wa Wizara ya Nishati na Madini anayeshughulikia Madini, Profesa James Mdoe (Kushoto), namna Kiberenge kinavyofanya kazi ya kushusha watu na vifaa chini ya ardhi kunakochimbwa madini ya Tanzanite, wakati wa ziara ya Kamati ya Kudumu ya Bunge ya Nishati na Madini katika Mgodi wa Tanzanite One uliopo Mirerani, hivi karibuni.

Na Veronica Simba - Mirerani 

Kuwepo kwa mitobozano ya mara kwa mara baina ya wachimbaji wadogo wenyewe kwa wenyewe na kati ya Mgodi wa Tanzanite One na wachimbaji wadogo wa Tanzanite katika vitalu B na D, kumeelezwa kuwa ni changamoto inayosababisha kukosekana kwa usalama katika eneo la machimbo ya Tanzanite, Mirerani kutokana na kutumika kwa silaha za moto na mabomu ya kutengenezwa kienyeji. 

Naibu Katibu Mkuu wa Wizara ya Nishati na Madini anayeshughulikia Madini, Profesa James Mdoe aliyasema hayo hivi karibuni mkoani Arusha, wakati wa ziara ya Kamati ya Kudumu ya Bunge ya Nishati na Madini kukagua Migodi mbalimbali inayochimba madini hayo eneo la Mirerani. 

Akielezea maana ya mitobozano, Profesa Mdoe alisema ni hali ya wachimbaji kuvuka mipaka ya leseni zao na  kuingia katika maeneo ya wachimbaji wengine wakiwa chini ya ardhi. 

Kutokana na tatizo hilo, Profesa Mdoe  alisema kuwa Serikali, kupitia Wizara ya Nishati na Madini, hususan Ofisi ya Madini Mirerani, inaendelea na juhudi za kuwaelimisha wachimbaji na wadau wote wa sekta ya madini katika kuhakikisha wanatekeleza majukumu yao kwa mujibu wa sheria  za nchi ikiwemo Sheria ya Madini ya Mwaka 2010 na kanuni zake pamoja na Sheria ya Baruti ya mwaka 1963 na kanuni zake za mwaka 1964.

Akifafanua zaidi, Profesa Mdoe alisema kuwa, mbali na kuwataka wachimbaji kufuata sheria, pia kumekuwepo na juhudi za kuwakutanisha wachimbaji wa Kitalu C na Vitalu B na D  ili kuweka namna ambavyo uchimbaji unaweza kufanyika kwa kuepuka mitobozano. 

Aidha, alieleza kuwa Wizara ya Nishati na Madini imekuwa ikishirikiana na Kamati za Ulinzi na Usalama za mikoa ya Arusha, Kilimanjaro na Manyara katika kudhibiti utoroshaji wa Tanzanite. 

Alisema, wataalam wa Wizara kupitia Ofisi ya Madini Mirerani, Mamlaka ya Udhibiti wa Madini Tanzania  (TMAA ) na Shirika la Madini la Taifa ( STAMICO), wameongeza udhibiti wa Tanzanite kwenye maeneo ya uzalishaji chini mgodini. 

"Kazi hii inafanyika kwa kuhakikisha kuwa maafisa husika wanakuwepo wakati wa uzalishaji ili kufahamu kiasi kinachozalishwa, " alisema Profesa Mdoe. 

Vilevile, alieleza hatua nyingine zinazochukuliwa na Serikali kutatua tatizo hilo kuwa ni pamoja na kuandaa maonesho ya vito ya kimataifa ambayo hufanyika Arusha kila mwaka ambapo wanunuzi wa kimataifa kutoka nchi mbalimbali hukutana moja kwa moja na wauzaji wakubwa wa ndani hivyo kupunguza uwezekano wa wafanyabiashara kuendelea kutorosha Tanzanite. 

Alisema kuwa, Serikali imeanzisha masoko ya ndani yatakayokuwa yanafanyika Mirerani kila mwaka na ina mpango wa kuanza ujenzi wa soko kubwa Mirerani ili madini yote yatakayozalishwa yaweze kuuzwa, kukatwa na kusanifiwa Mirerani. 

Kwa upande wao, Wajumbe wa Kamati ya Kudumu ya Bunge ya Nishati na Madini, waliitaka Serikali pamoja na mambo mengine, kuhakikisha migogoro iliyopo katika machimbo hayo ya Tanzanite Mirerani inatafutiwa ufumbuzi wa haraka na wa kudumu.

SERIKALI KUPITIA UPYA MIKATABA YA TRL

Serikali imeliagiza Shirika la Reli Tanzania (TRL), kupitia upya mikataba ya ununuzi wa vichwa vya treni na mabehewa ili kubaini kasoro zilizojitokeza na kuchukua hatua stahiki kabla ya maboresho ya reli ya Tanga-Moshi-Arusha.

Waziri wa Ujenzi, Uchukuzi na Mawasiliano Profesa Makame Mbarawa ametoa agizo hilo mkoani Kigoma wakati akikagua miundombinu ya reli na kusissitiza nia ya serikali kufufua reli ya kanda ya kaskazini ili kuimarisha huduma ya uchukuzi katika mikoa ya Tanga, Kilimanjaro na Arusha.

 “Kama Serikali tumewekeza vya kutosha katika TRL, hivyo tunawataka mfanye biashara itakayolipa nasi tutahakikisha popote reli ilipo inatoa huduma iliyokusudiwa na kuchangia kukuza uchumi wa nchi”, amesema Prof. Mbarawa.Prof. Mbarawa amewataka wafanyakazi wa TRL kufanya kazi kwa bidii na uadilifu ili kupata bidhaa na abiria wengi wa kuwasafirisha nchini kote. 

Amesema Serikali imedhamiria kuliongezea nguvu TRL ambapo baadhi ya mitambo kutoka Kampuni Hodhi ya Rasilimali za Reli (RAHCO) itakabidhiwa kwa shirika hilo hivyo kulitaka kuwa na mpango madhubuti wa kufanya biashara na kurudisha hadhi ya usafiri wa reli hapa nchini. 

 “Fanyeni bidii ili mpate mzigo wa kusafirisha kutoka Tanga kwenda Moshi na Arusha ili kufikia lengo la kubeba mzigo wa tani milioni moja kwa mwaka”, amesisitiza Waziri Prof. Mbarawa.

Amezungumzia umuhimu wa TRL kuafanya kazi kwa karibu na Mamlaka ya Usimamizi wa Bandari nchini (TPA), ili kuongeza kasi ya huduma za uchukuzi nchini, kuongeza fursa za ajira na kukuza pato la shirika na taifa.

Kwa upande wake Mkurugenzi Mkuu wa TRL, Bw. Masanja Kadogosa amesema TRL imejipanga kutafuta masoko ndani na nje ya nchi ili kuboresha huduma za uchukuzi na kukuza pato lake.

Katika hatua nyingine Prof. Mbarawa amekagua Meli ya MV Liemba na kuitaka Mamlaka ya Usimamizi wa usafiri wa Nchi Kavu na Majini (SUMATRA), kuhakikisha meli za MV Liemba na MV Mwongozo zinakaguliwa na kufanya kazi inavyostahili katika Ziwa la Tanganyika.

“Tumieni fursa ya kuwa karibu na nchi za maziwa makuu kufanya biashara ili meli zetu zipate mzigo wa kutosha na kuongeza mapato kwa taifa”, amesisitiza Prof. Mbarawa.

Prof. Mbarawa ambaye yupo katika ziara mkoani Kigoma amewataka viongozi na wafanyakazi wa taasisi zilizo chini ya wizara yake kufanya kazi kwa kushirikiana ili kuibua fursa za kiuchumi katika ukanda wa magharibi na hivyo kufufua miundombinu itakayochochea uchumi wa mikoa ya magharibi mwa Tanzania yenye fursa nyingi za kibiashara.

 Waziri wa Ujenzi, Uchukuzi na Mawasiliano Profesa Makame Mbarawa (katikati) akimsikiliza mmoja wa abiria anayetumia usafiri wa reli ya kati mkoani Kigoma. Kushoto ni Mbunge wa Kigoma Mjini, Mhe. Zitto Kabwe na Kulia ni Mkuu wa Wilaya ya Kigoma Saveli Maketta.

 Waziri wa Ujenzi, Uchukuzi na Mawasiliano Profesa Makame Mbarawa akizungumza na wafanyakazi wa Shirika la Reli Tanzania (TRL), mkoani Kigoma.

 Muonekano wa mabehewa ya treni yakiwa mwisho wa reli ya kati, mkoani Kigoma.

 Waziri wa Ujenzi, Uchukuzi na Mawasiliano Profesa Makame Mbarawa (wa pili kushoto) akipata maelezo kutoka kwa Kapteni wa Meli ya MV Liemba ya namna inavyoendeshwa, mkoani Kigoma.

 Waziri wa Ujenzi, Uchukuzi na Mawasiliano Profesa Makame Mbarawa (wa tatu kulia), akipata ufafanuzi wa namna ya injini za Meli ya MV Liemba zinavyofanya kazi wakati alipotembelea Meli hiyo mkoani Kigoma.

Waziri wa Ujenzi, Uchukuzi na Mawasiliano Profesa Makame Mbarawa (mwenye kizibao cha njano), akimsikiliza Kapteni Winton Mwassa (wa kwanza kulia), kutoka Kampuni ya huduma za meli mkoani Kigoma mara baada ya kutembelea na kuona hali ya MV Liemba.

Imetolewa na Kitengo cha Mawasiliano Serikalini, Wizara ya Ujenzi, Uchukuzi na Mawasiliano.

TCRA waikabidhi leseni ya biashara kampuni ya Agano Safi

Mkurugenzi Mkuu wa Mamlaka ya Mawasiliano Tanzania (TCRA), Dk. Ally Simba (kulia) akimkabidhi Mkurugenzi wa Kampuni ya Agano Safi, Iyaloo Ya Nangolo leseni ya biashara itakayoiwezesha kutoa huduma za mfumo wa malipo mbalimbali kwa kutumia mtandao 'malipo ya huduma anuai kwa njia ya kidigitali' (Digital Payment Services).
Mkurugenzi Mkuu wa Mamlaka ya Mawasiliano Tanzania (TCRA), Dk. Ally Simba (kulia) akimkabidhi Mkurugenzi wa Kampuni ya Agano Safi, Iyaloo Ya Nangolo leseni ya biashara itakayoiwezesha kutoa huduma za mfumo wa malipo mbalimbali kwa kutumia mtandao 'malipo ya huduma anuai kwa njia ya kidigitali' (Digital Payment Services). Kulia ni Kaimu Mkurugenzi Huduma za Kisheria wa Mamlaka ya Mawasiliano Tanzania (TCRA), Fortunata Mdachi pamoja na Amos Shiyuka (kushoto) wakishuhudia.

MAMLAKA ya Mawasiliano Tanzania (TCRA) imeikabidhi leseni ya biashara kampuni ya Agano Safi inayokuja kuwekeza katika huduma za mfumo wa malipo mbalimbali kwa kutumia mtandao 'malipo ya huduma anuai kwa njia ya kidigitali' (Digital Payment Services). Leseni hiyo imekabidhiwa leo jijini Dar es Salaam na Mkurugenzi Mkuu wa TCRA, Dk. Ally Simba kwa kampuni ya Agano Safi huku akiikumbusha kufanya shughuli zake kwa kuzingatia vigezo na masharti ya leseni.

Akipokea leseni hiyo, Mkurugenzi wa Kampuni ya Agano Safi Iyaloo Ya Nangolo alisema anaishukuru TCRA kwa kuwaamini na kuwakambidhi leseni ya kufanya biashara ya mfumo wa malipo kwa njia ya mtandao, hivyo kampuni hiyo itahakikisha inafanya kazi kwa ufanisi na kushirikiana na vyombo husika ikiwemo BoT ili kuhakikisha jamii na taifa linanufaika na shughuli hizo.

Alisema kampuni hiyo inayoundwa na Wanamibia kwa ushirikiano na baadhi ya Watanzania imejipanga kuja na teknolojia ya kisasa katika mfumo wa malipo kwa njia ya mtandao kwa kushirikiana na kampuni ya malipo ya MobiPay iliyojijengea heshima ya huduma zake katika nchi za Kusini mwa Afrika huku ikiwa na makao yake nchini Namibia.

Hafla hiyo ya makabidhiano imehudhuriwa pia na Balozi wa Namibia nchini Tanzania, Bi. Theresia Samaria ambaye amepongeza Agano Safi kufanikiwa kufanya biashara hiyo nchini Tanzania jambo ambalo linaongeza ushirikiano baina ya nchi hizo huku zikibadilishana teknolojia kwa masuala mbalimbali na ubunifu kibiashara.
Kaimu Mkurugenzi Huduma za Kisheria wa Mamlaka ya Mawasiliano Tanzania (TCRA), Fortunata Mdachi (kulia) akipeana mkono na Mkurugenzi Mtendaji wa MobiPay, Amos Shiyuka mara baada ya Mkurugenzi Mkuu wa TCRA, Dk. Ally Simba kukabidhi leseni ya biashara kwa Kampuni ya Agano Safi itakayoiwezesha kutoa huduma za mfumo wa malipo kwa njia ya kidigitali' (Digital Payment Services).
Picha ya pamoja baina ya viongozi wa pande zote mara baada ya zoezi la kukabidhiana leseni kukamilika. Kutoka kushoto ni Mwenyekiti wa Kampuni ya Agano Safi, Cuthbert Mhilu, Balozi wa Namibia nchini Tanzania, Bi. Theresia Samaria, Mkurugenzi Mtendaji wa MobiPay, Amos Shiyuka, Mkurugenzi wa Kampuni ya Agano Safi Iyaloo Ya Nangolo, Mkurugenzi Mkuu wa TCRA, Dk. Ally Simba pamoja na Kaimu Mkurugenzi Huduma za Kisheria wa TCRA, Fortunata Mdachi.

Kutoka kushoto ni Mwenyekiti wa Kampuni ya Agano Safi, Cuthbert Mhilu, Balozi wa Namibia nchini Tanzania, Bi. Theresia Samaria, Mkurugenzi Mtendaji wa MobiPay, Amos Shiyuka, Mkurugenzi wa Kampuni ya Agano Safi Iyaloo Ya Nangolo, Mkurugenzi Mkuu wa TCRA, Dk. Ally Simba pamoja na Kaimu Mkurugenzi Huduma za Kisheria wa TCRA, Fortunata Mdachi katika picha ya pamoja mara baada ya zoezi la kukabidhiana leseni kukamilika.
Balozi wa Namibia nchini Tanzania, Bi. Theresia Samaria akizungumza katika hafla ya TCRA kuikabidhi leseni ya biashara kampuni ya Agano Safi leo jijini Dar es Salaam.
Baadhi ya maofisa wa TCRA wakiwa katika hafla hiyo.

Balozi wa Namibia nchini Tanzania, Bi. Theresia Samaria akizungumza katika hafla ya TCRA kuikabidhi leseni ya biashara kampuni ya Agano Safi leo jijini Dar es Salaam. Kushoto ni Mwenyekiti wa Kampuni ya Agano Safi, Cuthbert Mhilu pamoja na Mkurugenzi Mtendaji wa MobiPay, Amos Shiyuka (kulia).
Baadhi ya maofisa wa kampuni ya Agano Safi (kulia) wakiwa na wageni waalikwa walioshiriki katika hafla hiyo.
Balozi wa Namibia nchini Tanzania, Bi. Theresia Samaria akipeana mkono na Kaimu Mkurugenzi Huduma za Kisheria wa TCRA, Fortunata Mdachi mara baada ya zoezi la kukabidhiana leseni kukamilika.

OFISI YA WAZIRI MKUU YAWASILISHA UTEKELEZAJI WA MIRADI INAYOIRATIBU KWA KAMATI YA BUNGE YA KATIBA NA SHERIA

 Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama (Mb) akitoa ufafanuzi wa utekelezaji wa shughuli za Ofisi ya Waziri Mkuu wakati wa Mkutano wa Kamati ya Kudumu ya Bunge ya Katiba na Sheria katika Ukumbi wa mikutano wa  Ofisi ya Waziri Mkuu Machi 31, 2016.

 Makatibu Wakuu Ofisi ya Waziri Mkuu (wa kwanza kulia) Erick Shitindi (Kazi na Ajira), Dkt. Hamis Mwinyimvua (Sera) na kushoto ni Mussa Uledi (Bunge) wakifuatilia hoja za wajumbe wa Kamati ya Kudumu ya Bunge ya Katiba na Sheria (hawapo pichani) walipokutana na ofisi hiyo tarehe 31 Machi, 2016.

 Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama (Mb) akimsikiliza Makamu Mwenyekiti wa Kamati ya Kudumu ya Bunge ya Katiba na Sheria, Mhe.Najma Giga (kushoto) wakati kamati hiyo ilipokutana na Ofisi ya Waziri Mkuu katika Ukumbi wa Ofisi hiyo tarehe 31 Machi, 2016.

 Mratibu wa Programu ya Miundo mbinu ya Masoko, Uongezaji Thamani na Huduma za Kifedha Vijijini Bw. Walter Swai akiwasilisha utekelezaji wa programu hiyo inayoratibiwa na Ofisi ya Waziri Mkuu katika mkutano wa Kamati ya Kudumu ya Bunge ya Katiba na Sheria   katika Ukumbi wa mikutano wa  Ofisi ya Waziri Mkuu Machi 31, 2016.

 Mkurugenzi wa Idara ya Maafa Ofisi ya Waziri Mkuu Brig.jen. Mbazi Msuya akiwasilisha masuala ya menejimenti ya maafa  katika mkutano wa Kamati ya Kudumu ya Bunge ya Katiba na Sheria katika Ukumbi wa mikutano wa  Ofisi ya Waziri Mkuu Machi 31, 2016. 

Mjumbe wa Kamati ya Kudumu ya Bunge ya Katiba na Sheria Mhe. Rashidi Shangazi (mb) akichangia hoja wakati Kamati hiyo ilipokutana na Ofisi ya Waziri Mkuu katika Ukumbi wa mikutano wa Ofisi hiyo Machi 31, 2016.

Ofisi ya Waziri Mkuu imewasilisha Utekelezaji wa Miradi mitatu inayoiratibu kwa Kamati ya Bunge na Sheria; Miradi hiyo ni Programu ya Miundo mbinu ya Masoko, Uongezaji Thamani na Huduma za Kifedha Vijijini Mradi wa Taarifa za Hali ya Hewa na Uboreshaji wa Mifumo wa Taadhali za Awali pamoja na Mradi wa Kuimarisha Uwezo wa Nchi katika kujiandaa na kukabiliana na maafa.

Akitoa ufafanuzi wa miradi hiyo Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama (Mb) kwa Kamati hiyo ya Bunge Machi 31, 2016 ilipokutana na Ofisi ya Waziri Mkuu, alibainisha kuwa miradi hiyo inalenga kupunguza umasikini na kujenga uwezo wa Serikali katika Menejimenti ya Maafa

Mhagama alifafanua kuwa Programu ya Miundo mbinu ya Masoko, Uongezaji Thamani na Huduma za Kifedha Vijijini Mradi niya miaka saba ambayo utekelezaji wake ulianza mwaka 2011, lengo la programu hiyo ni kufanikisha adhima ya serikali ya kupunguza umasikini na kuongeza kasi ya ukuaji wa uchumi endelevu kwa kuziwezesha kaya za vijijini kujiongeza kipato na usalama wa chakula

"Programu itafanikisha malengo yake kwa kuboresha miundo mbinu ya masoko, kuongeza thamani mazao ya kilimo, kupanua wigo wa huduma za kifedha zipatikanazo vijijini na kuwajengea wananchi waishio vijijini uwezo wa kuyafikia masoko"alisema Mhagama

Kwa upande wa Mradi wa Taarifa za Hali ya Hewa na Uboreshaji wa Mifumo ya Taadhali za Awali alibainisha kuwa, mradi huo unalenga kuimarisha uwezo wa nchi katika kukusanya takwimu za hali ya hewa na mabadiliko ya tabia nchi yanayoweza kusababisha maafa.

"Pia mradi utasaidoia kuboresha mifumo ya utoaji wa taarifa za awali ili kuzuia au kuhimili athari za majanga yanayoweza kusababishwa na mabadiliko ya tabia nchi".Alisisitiza

Aliongeza kuwa Kuimarisha Uwezo wa Nchi katika kujiandaa na kukabiliana na maafa unalenga kuongeza uwezo wa Serikali na Taasisi zake katika Menejimenti ya Maafa na kuboresha ufanisi wa Mamlaka za Serikali za mitaa katika kujiandaa na kukabiliana na maafa.

Makamu Mwenyekiti wa Kamati hiyo mhe. Najma Giga (mb) alibainisha kuwa wameridhishwa na utekelezaji wa miradi hiyo, na kupendekeza kuwa miradi hiyo iongeza nguvu Vijijini katika utekelezaji wake ili iweze kuwafikia wananchi wengi zaidi.

"Mjitahidi kuitangaza miradi hii ili wananchi wengi waifahamu na waendelee kushiriki kikamilifu katika utekelezaji wake na hatimaye taifa letu litaweza kupunguza umasikini lakini pia kujenga uwezo wa menejimenti ya maafa" Alisema Giga.