Monday, November 19, 2018

DKT. MAHIGA AMWAKILISHA RAIS MAGUFULI KATIKA MKUTANO MAALUM WA WAKUU WA NCHI WA AU

Mhe. Augustine P. Mahiga (Mb), Waziri wa Mambo ya Nje na Ushirikiano wa Afrika Mashariki alimwakilisha Mhe. Dkt. John Pombe Joseph Magufuli, Rais wa Jamhuri ya Muungano wa Tanzania kwenye Mkutano Maalum wa 11 wa Wakuu Nchi na Serikali wa Umoja wa Afrika uliyofanyika tarehe 17-18 Novemba, 2018 mjini Addis Ababa, Ethiopia. Mkutano huo, uliitishwa kufuatia maamuzi ya Mkutano wa 31 wa Wakuu wa Nchi na Serikali wa Umoja wa Afrika uliofanyika mwezi Julai 2018 mjini Nouakchott, Mauritania ambapo Wakuu hao walielekeza uitishwe Mkutano Maalum kujadili kwa kina mabadiliko ya kitaasisi ndani ya Umoja huo. 

Mkutano huo ulijadili na kutolea maamuzi mapendekezo kuhusu Muundo wa Uongozi (Portfolios) za Kamisheni za Umoja wa Afrika; chaguzi za Uongozi wa Kamisheni; Kusitisha ajira za viongozi wa Kamisheni; na Mabadiliko ya kiutawala na fedha ikijumuisha utendaji.Mkutano ulikubaliana kupunguza idadi ya wajumbe wa Kamisheni klutoka 10 hadi 8 ambao ni Mwenyekiti wa Kamisheni, Makama Mwenyekiti na Makamishna 6. Maamuzi hayo yataanza kutekelezwa mwaka 2021 baada ya uongozi wa Kamisheni uliopo sasa kumaliza muda wake. Maamuzi yote yaliyotolewa yalilenga kuboresha utendaji wa Kamisheni ya Umoja wa Afrika. 

Mhe. Waziri aliungana na viongozi wengine waliochangia katika mjadala wa kuboresha utendaji wa Kamisheni ya Umoja wa Afrika kwa kuunga mkono mabadiliko ya kitaasisi katika Umoja huo. Mhe. Waziri alieleza kwamba maamuzi hayo yanalenga kuleta ufanisi kwenye kutekeleza majukumu ya Kamisheni na kuhakikisha Afrika inapata maendeleo inayostahili haswa kwa kuzingatia Agenda 2063 ya Umoja wa Afrika. 

Katika Mkutano huo Mwenyekiti wa Umoja wa Afrika, Mhe. Paul Kagame alitoa salamu za rambirambi kwa Serikali za Tanzania, DRC na Malawi kufuatia vifo vya walinda amani wa nchi hizo nchini DRC.Mhe. Waziri alimshukuru Mhe. Kagame kwa salamu hizo za rambirambi na kuahidi kwamba Tanzania itaendelea kuwa mstari wa mbele kupigania amani ya kudumu barani Afrika.

Mkutano pia ulijadili Mamlaka ya Wakala wa Maendeleo ya Umoja wa Afrika (African Union Development Agency - AUDA). Mkutano ulifahamishwa kuwa mchakato wa kubadilisha Taasisi ya Ushirikiano wa Maendeleo ya Uchumi (New Economic Partnership for Africa’s Development – NEPAD) kuwa AUDA utakamilika Februari 2019 kama inavyoelekezwa katika Maaumuzi ya Umoja wa Afrika Na. 691. Mkutano ulikubaliana na mapendekezo yote kuhusu Mamlaka ya AUDA na kwamba programu na miradi ya AUDA itafadhiliwa kupitia bajeti ya Umoja wa Afrika na misaada ya washirika wa maendeleo. 

Agenda nyingine iliyojadiliwa wakati wa mkutano huo ni mabadiliko katika Taasisi ya Mchakato wa Kujitathimini kiutawala Bora Africa (African Peer Review Mechanism - APRM), ambapo mapendekezo yalitolewa ya kuiunganisha APRM kuwa moja ya taasisi za Umoja wa Afrika na kugharamia shughuli zake kwa kutumia bajeti ya Umoja huo. Aidha, iliamuliwa kuwa Wanachama wote wa Umoja wa Afrika wawe Wanachama wa APRM na APRM iwe huru katika kutekeleza majukumu yake.

Agenda nyingine kuu iliyojadiliwa na kutolewa maamuzi ni mapendekezo ya makadirio mapya ya viwango vya kuchangia Umoja wa Afrika na mapendekezo ya adhabu kwa Nchi ambazo zitachelewa kulipa michango yake. Mkutano uliazimia kuitishwa kwa Mkutano kati ya Kamati ya Kudumu ya Mabalozi, Wataalam wa masuala ya Fedha kutoka nchi wanachama na Kamati ya Mawaziri wa Fedha kupitia makabrasha yote yanayohusu Viwango vya kuchangia na adhabu kwa nchi ambazo hazitoa michango yao kwa wakati. Mkutano huo, unatarajiwa kufanyika tarehe 28-29 Novemba, 2018, Addis Ababa, Ethiopia na mapendekezo ya wataalam yatawasilishwa kwenye Kikao kijacho cha Baraza la Mawaziri mwezi Februari 2019. 

Mkutano pia ulipokea mapendekeo ya mgawanyiko wa majukumu kati ya AU, Jumuiya za Kikanda na Nchi Wanachama. Mgawanyo wa majukumu unapendekezwa kuwezesha Jumuiya za Kikanda, Umoja wa Afrika na Nchi Wanachama kila moja kutekeleza majukumu yake na yale ambayo watachangia kwa pamoja. Pembezoni mwa Mkutano huho wa Dharura Wakuu wa Nchi na Serikali walizindua Mfuko wa Amani wa Umoja wa Afrika (AU Peace Fund) ambao utashughulikia masuala yote ya Amani na Usalama katika Nchi Wanachama ikiwemo viashiria vya uvunjifu wa Amani ili kuzuia kuibuka kwa migogoro. Mhe. Waziri alishiriki katika uzinduzi huo. 


Imetolewa na:
Kitengo cha Mawasiliano ya Serikali,
Wizara ya Mambo ya Nje na Ushirikiano wa Afrika Mashariki, 
Dodoma, 19 Novemba 2018 

Waziri wa Mambo ya Nje na Ushirikiano wa Afrika Mashariki, Mhe. Balozi Dkt. Augustine Mahiga akiwa katika Mkutano Maalum wa Wakuu wa Nchi na Serikali wa Umoja wa Afrika jijini Addis Ababa, Ethiopia. Nyuma yake ni Balozi wa Tanzania nchini Ethiopia, Mhe. Bi. Naimi Aziz. 
Waziri wa Mambo ya Nje na Ushirikiano wa Afrika Mashariki, Mhe. Balozi Dkt. Augustine Mahiga akisalimiana na Rais Mpya wa Ethiopia, Mhe. Sahle Work Zewdu katika Ikulu ya nchi hiyo tarehe 18 Novemba 2018. Dkt. Mahiga alikwenda kumpongeza Mhe. Rais kwa kuteuliwa na wote wawili walisisitiza umuhimu wa kuimarisha uhusiano na ushirikiano kati ya Tanzania na Ethiopia. 
Waziri wa Mambo ya Nje na Ushirikiano wa Afrika Mashariki, Mhe. Balozi Dkt. Augustine Mahiga. (kushoto) akisalimiana na Waziri wa Mambo ya Nje wa Ethiopia, Mhe. Dkt Workneh Gebeyehu alipokwenda kumtembelea kwa ajili ya kufahamiana jijini Addis Ababa. 

JENISTA MHAGAMA ATOA VYETI KWA WAHITIMU WA PROGRAMU YA MWANAMKE WA WAKATI UJAO (FEMALE FUTURE PROGRAMME)

Na Zainab Nyamka, Globu ya Jamii .


CHAMA cha Waajiri Tanzania (ATE) wamefanya mkutano mkuu wa kwanza wa wanawake katika uongozi kwa mwaka 2018 uliombatanisha mahafali ya pili ya programu ya mwanamke wa wakati ujao (Female Future Programme). 

ATE wamefanya mkutano huo wakishirikiana na Shirikisho la vyama vya waajiri nchini Norway (NHO) wenye lengo la kuwajengea uwezo wanawake kwa ajili ya kushika nafasi za juu za uongozi na kuwapa uwezo wa kuingia kwenye bodi mbalimbali na kushiriki katika maamuzi.

Akifungua Mkutano huo, Waziri wa Ofisi ya Waziri Mkuu Sera, Bunge, Kazi, Vijana, Ajira ma Wwtu wenye Ulemavu Jenista Mhagama amesema mkutano huu mkubwa wa mwaka wa uongozi kwa wanawake unaenda samamba kabisa na juhudi za nchi yetu katika kuhakikisha idadi ya wanwake kwenye nafasi zao za juu za uongozi inazidi kuongezeka pia wanawake kuwa na idadi kubwa ya uwakilishi katika bodi za wakurugenzi za makampuni mbalimbali. 

"Serikali ya awamu ya tano imeendelea kusimamia na kuhakikisha kunakuwa na uwiano mzuri wa viongozi wanawake ndani ya serikali na jumuiya mbalimbali , makampuni ya kibiashara nchni na katika kufanikisha hili serikali imeanzisha mpango mkakati wa kitaifa kwa ajii ya maendeleo ya usawa wa kijinsia ambapo upo kwenye dira ya maendeleo ya Taifa 2025"amesema Jenista. 

Jenista amesema, programu hiyo ni fursa kwa wanawake wa wakati nujao na mafunzo hayo wakiyatumia vizuri yatawasaidia kuendesha maisha katika nyanja mbalimbali, kazini, nyumbani, kwenye jamii na kwa kizazi kijacho. 

Amesema, kwa mwaka 2017 idadi ya wanawake katika bodi mbalimbali za taasisi za serikali iliongezeka na kufikia 117 kutoka 114 kwa mwaka 2014 ikilinganishwa na wanaume ambapo walipungua toka 526 mwaka 2014 hadi 352 mwaka 2017, aidha katika miaka hiyo idadi ya wanawake majaji imeongezeka na kufikia 39 kati ya majaji 95, wakati mwaka 2012 majaji wanawake walikuwa 34 kati ya 97.

“Programu hii kwangu ni fursa kwenu na mafunzo haya mkiyatumia vizuri yatawasaidia kuendesha maisha katika Nyanja mbali mbali: kazini, nyumbani, kwenye jamii na kwa kizazi chetu kijacho” aliongeza Waziri Jenista. 

"Nawapongeza Chama cha Waajiri Tanzania (ATE) kwa mafanikio haya makubwa ya kutoa mfunzo kwa Wanawake 25 kutoka makampuni 16 katika Awamu hii ya pili ya Programu hii ya Mwanamke wa Wakati Ujao kwani imekuwa ni sehemu ya kuongeza Wanawake wengi zaidi katika nafasi za uongozi na uwakilishi katika Bodi za Wakurugenzi katika Taasisi mbalimbali," 

Naye Mkurugenzi wa ATE, Dkt. Aggrey Mlimuka alisema kuwa katika Awamu ya Pili ya Programu ya Mwanamke wa Wakati ujao ATE wameweza kutoa mafunzo kwa Wanawake 25 kutoka kampuni na Taasisi 16.

“Tumetoa mafunzo haya kwa kushirikiana na Chuo cha Mafunzo ya Uongozi Afrika Mashariki na Kusini (ESAMI) na katika awamu hii ya Pili ya mafunzo jumla ya wanawake 25 kutoka katika makampuni na Taasisi 16 ambayo yamefadhili mafunzo haya yaliyokuwa na sehemu kuu tatu ambazo ni Uongozi, Ufanisi katika Bodi na Ufanisi katika utekelezaji wa majukumu mahali pa Kazi” 

Hivyo basi napenda kutoa wito kwa makampuni, Taasisi, Mashirika ya Kiserikali na Binafsi kuendelea kuunga mkono programu kwa kuleta wafanyakazi wengi zaidi ili waweze kupatiwa mafunzi haya kwa manufaa ya kizazi cha sasa na kijacho.

Dkt. Mlimuka aliongeza kuwa Programu ya Mwanamke wa Wakati Ujao imelenga hasa kujenga uwezo Wanawake katika kuongoza kwenye Nafasi za juu na kuleta matokeo makubwa katika kampuni na taasisi zao pasipo kuathiri majukumu yao Binafsi. 

“Programu ya Mwanamke wa Wakati ujao ina Malengo Makuu matatu ambayo ni Kupata Wanawake wengi Zaidi kwenye nafasi za juu za uongozi, kwenye hatua za kufanya maamuzi na pia kwenye Bodi Mbalimbali za Wakurugenzi, Pili ni kuwahamasisha na kuwapa changamoto viongozi wanawake kufanya kazi kwa juhudi na malengo makubwa ili kuhakikisha wanapata matokeo chanya kwenye makampuni na taasisi zao wanazoziongoza na Tatu ni Kutengeneza Jukwaa kubwa la Wanawake kwa ngazi zote kuka pamoja na kubadilishana uzoefu kuhusiana na uongozi” Alifafanua Dr. Mlimuka. 

Akitoa salamu zake Mwenyekiti wa ATE Bi. Jayne Nyimbo alisema kuwa Mkutano huu Mkuu wa Uongozi kwa Wanawake uliobeba kauli mbiu ya wenye kauli mbiu isemayo “Uongozi wenye Ufanisi kwa Mazingira yanayobadilika Kibiashara” ni moja ya mkakati wa Programu ya Mwanamke wa wakati ujao wa kuhakikisha inawaleta pamoja wanawake na kuwawezesha kukua kiuongozi. 

“ATE tukiwa ndio wawakilishi wa waajiri wote nchini furaha yetu ni kuona wanachama wetu ambao ni taasisi na makampuni mbalimbali wanakuwa na Viongozi wanawake wenye uwezo mkubwa lengo likiwa kuongeza uzalishaji wa taasisi zao na taifa kwa ujumla” Alisema Jayne Nyimbo. 
Waziri wa Ofisi ya Waziri Mkuu Sera, Bunge, Kazi, Vijana, Ajira ma Wwtu wenye Ulemavu Jenista Mhagama akizunguzma wakati wa 

mkutano mkuu wa kwanza wa wanawake katika uongozi kwa mwaka 2018 uliombatanisha mahafali ya pili ya programu ya mwanamke wa wakati ujao (Female Future Programme).
Mkurugenzi Mtendaji wa Chama cha Waajiri Nchini (ATE) Dkt Aggrey Mlimuka akizzungumza na waandishi wa habari wakati wa 

 mkutano mkuu wa kwanza wa wanawake katika uongozi kwa mwaka 2018 uliombatanisha mahafali ya pili ya programu ya mwanamke wa wakati ujao (Female Future Programme).

Waziri wa Ofisi ya Waziri Mkuu Sera, Bunge, Kazi, Vijana, Ajira ma Wwtu wenye Ulemavu Jenista Mhagama akitoa cheti kwa moja ya wahitimu Arafa wakati mkutano mkuu wa kwanza wa wanawake katika uongozi kwa mwaka 2018 uliombatanisha mahafali ya pili ya programu ya mwanamke wa wakati ujao (Female Future Programme).


Waziri wa Ofisi ya Waziri Mkuu Sera, Bunge, Kazi, Vijana, Ajira ma Wwtu wenye Ulemavu Jenista Mhagama akitoa cheti kwa moja ya wahitimu Bahati Minja wakati mkutano mkuu wa kwanza wa wanawake katika uongozi kwa mwaka 2018 uliombatanisha mahafali ya pili ya programu ya mwanamke wa wakati ujao (Female Future Programme).

Waziri wa Ofisi ya Waziri Mkuu Sera, Bunge, Kazi, Vijana, Ajira ma Wwtu wenye Ulemavu Jenista Mhagama akitoa cheti kwa moja ya wahitimu Sophia Said Mwema wakati wa mkutano mkuu wa kwanza wa wanawake katika uongozi kwa mwaka 2018 uliombatanisha mahafali ya pili ya programu ya mwanamke wa wakati ujao (Female Future Programme)

Waziri wa Ofisi ya Waziri Mkuu Sera, Bunge, Kazi, Vijana, Ajira ma Wwtu wenye Ulemavu Jenista Mhagama akiwa katika picha ya pamoja na Sekretarieti ya Chama cha Waajiri Nchini (ATE)  mkutano mkuu wa kwanza wa wanawake katika uongozi kwa mwaka 2018 uliombatanisha mahafali ya pili ya programu ya mwanamke wa wakati ujao (Female Future Programme).


Wadau wakiwa wanaendelea na mkutano mkuu wa kwanza wa wanawake katika uongozi kwa mwaka 2018 uliombatanisha mahafali ya pili ya programu ya mwanamke wa wakati ujao (Female Future Programme)

WAZIRI MKUU AWATAKA WANANCHI WAJENGE MABWENI


Waziri Mkuu, Kassim Majaliwa akipata maelezo kuhusu ujenzi wa bweni lenye uwezo wa kulaza wanafunzi 80 kutoka kwa Mkuu wa Shule ya Mnacho wilayani Ruangwa, David Mwakalobo wakati alipokagua ujenzi wa bweni hilo Novemba 19, 2018 . Kulia kwake ni Mkuu wa wilaya ya Ruangwa, Hashim Mgandirwa. (Picha na Ofisi ya Waziri Mkuu) 
Waziri Mkuu, Kassim Majaliwa akikagua ujenzi wa bweni lenye uwezo wa kulaza wanfunzi 80 katika shule ya Sekondari ya Mnacho wilayani Ruangwa, Novemba 19, 2018. Wapili kulia ni Mkuu wa Shule hiyo, David Mwakalobo. (Picha na Ofisi ya Waziri Mkuu) 
Waziri Mkuu, Kassim Majaliwa akisalimiana na Waganga na Wanguzi wa Zahanati ya Nandagala wilayani Ruangwa kabla ya kukagua ujenzi wa majengo ya Zahanati hiyo Novemba 19, 2018. (Picha na Ofisi ya Waziri Mkuu) 
Waziri Mkuu, Kassim Majaliwa akimsalimia mtoto Hamza Abdulrazak aliyepelekwa na Mama yake Mzazi, Mariam Liwena (wapili kushoto) katika Zahanati ya Nandagala wilayani Ruangwa kwa matibabu, Novemba 19, 2018. Watatu kushoto ni Ajira Mpoka na mwanae Naifat Arifa. (Picha na Ofisi ya Waziri Mkuu) 
Waziri Mkuu, Kassim Majaliwa akikagua ujenzi wa chumba cha upasuaji katika Zahanati ya Nandagala wilayani Ruangwa, Novemba 19, 2018. Kushoto ni Mganga Mfawidhi wa Zahanati hiyo, Abubakar Abbas Rugwa. 
Waziri Mkuu, Kassim Majaliwa akikagua ujenzi wa Zahanati ya Nandagala wilayani Ruangwa Novemba 19, 2018. Kushoto kwake ni Mkuu wa wilaya ya Ruangwa, Hashim Mgandirwa, kushoto ni Mganga Mkuu wa wilaya ya Ruangwa, Dkt. Mahela Njile na kushoto ni Mganga Mfawidhi wa Zahanati hiyo, Abubakar Abbas Rugwa. (Picha na Ofisi ya Waziri Mkuu)

………………………………………………………………………………

WAZIRI MKUU Kassim Majaliwaamewataka wananchi kwenye Kata ya Mnacho wilayani Ruangwa washirikiane kujenga mabweni katika shule ya sekondari Mnacho ili kuwaondolea wanafunzi adha ya kutembelea umbali mrefu kwenda shuleni hapo.

Ameyasema hayo leo (Jumatatu, Novemba 19, 2018) wakati alipotembelea shule hiyo kwa ajili ya kukagua mradi wa ujenzi wa bweni, ambalo ujenzi wake unagharimu sh. milioni 92.4 ikiwa ni mchango uliotolewa na wadau wa elimu.

“Bweni hili likikamilika litawapunguzia wanafunzi kutembea umbali mrefu kuja shuleni hususani wanaoishi vijiji vya mbali kwa sababu wataishi hapa, jambo ambalo litachangia kuongeza ufaulu wa watoto wetu.” Kadhalika, Waziri Mkuu ametumia fursa hiyo kuwataka wananchi waishio katika Kata hiyo na za jirani washirikiane na kuanzisha mradi wa ujenzi wa mabweni mengine kwa kuwa hilo moja lililojengwa na wadau halitoshi kulingana na idadi ya wanafunzi.

Amesema yeye yuko tayari kuendelea kuwaunga mkono wananchi hao kwenye mipango yao yote ya utekelezaji wa miradi ya maendeleo katika Kata yao, lengo likiwa ni kuhakikisha mikakati ya Serikali ya kuboresha huduma za jamii inatimia. Hata hivyo, Waziri Mkuu amewataka wananchi hao washirikiane na walimu kufuatilia maendeleo ya taaluma kwa watoto wao shuleni na kujiridhisha kama wanafanya vizuri darasani na iwapo watabaini changamoto waweze kuzitatua kwa pamoja.

Akisoma taarifa ya ujenzi wa bweni hilo, Mkuu wa shule ya sekondari Mnacho, Mwalimu David Mwakalobo amesemma ujenzi wa bweni hilo lenye uwezo kulaza wanafunzi 80 ulianza Septemba 19, 2018 na unatarajiwa kukamilika Januari, 2019. “Kutokana na idadi ya wanafunzi waliopo shuleni bweni hili litakidhi mahitaji ya kuwalaza wanafunzi wa kike tu. Tunaendelea kuwaomba wahisani waendelee kutusaidia ili tupate bweni lingine kwa ajili ya kuwalaza wanafunzi wa kiume.”

Mwalimu Mwakalobo amesema iwapo watafanikiwa kuwa na mabweni ya kuwalaza wanafunzi wote 334 shuleni hapo yatawasaidia katika kutatua changamoto ya utoro na mdondoko wa kitaaluma kwa wanafunzi kwa sababu wengi wanatoka mbali. Pia mradi wa ujenzi wa mabweni utasaidia walimu kuwa karibu na wanafunzi wakati wote, hivyo kupata muda mwingi wa kuwasaidia wanafunzi kimasomo kwa sababu watakuwa wanaishi shuleni. “Mradi huu pia utapunguza wanafunzi wengi wa kike kupata ujauzito.”

Ameongeza kuwa uwepo wa mabweni shuleni hapo utaongeza ari ya wanafunzi kupenda shule tofauti na hali ilivyo sasa kwa sababu wengi wanalazimika kutembea muda mrefu kwa kuwa wanatoka vijiji vya mbali, jambo linalowafanya wasipende shule.

WENGI WANUFAIKA NA SEMINA YA UFUGAJI WA KISASA WA KUKU KUTOKA KUKU PROJECT,JIJINI DAR ES SALAAM.



Kaimu Mkurugenzi Mkuu wa Kuku Project Bw. Geofrey Kayenga akifungua Semina kwa ajili ya ufugaji wa kisasa wa kuku kwa wafugaji na ambao wanahitaji kuanza na wanaofuga kuku, alisema kuwa lengo kubwa la semina hiyo ilikuwa ni kuhamasishana na kubadilishana ujuzi wa ufugaji wa kuku kwa ujumla na kuwapa njia za kisasa za ufugaji wa kuku, Chuo cha Ustawi wa Jamii Jijini Dar es Salaam.
Bi. Beatrice Kanemba Meneja Mawasiliano wa Kuku Project, akielezea kwa ufupi juu ya Kuku Project ambapo ilianza mwaka 2014, alisema kuwa malengo yao yalikuwa ni kuona sekta ya ufugaji inakuwa rasmi,watu kufanya ufugaji kama biashara,kutumia teknolojia ya mitandao ya kijamii kutoa elimu ya ufugaji wa kuku ili kuwafikia watu wengi zaidi. aliongeza kuwa baadhi bidhaa walivyonavyo ni pamoja na Vifaa vya kisasa vya ufugaji na vifaranga wa iana zote ya kuroirer pamoja na ushauri wa ufugaji wenye tija na usimamizi wa mabanda na masoko ndani na nje ya nchi. 
Bw. Deusdedit Nestory, Mkuu wa Kitengo cha Kuku Manispaa ya Kinondoni akielezea mikakati ya Serikali kupitia Wizara ya Kilimo na Ufugaji ambapo pamoja na kuhimiza wananchi kufanya shughuli zao kwa vikundi ili kuwarahisishia kupata mikopo na kufanya kazi kwa urahisi lakini pia wanatoa elimu ya ufugaji wa kuku kwa wananchi kuanzia ngazi ya Kata lengo likiwa ni kuboresha sekta ya ufugaji wa kuku.
Daktari wa Mifugo wa Kuku Project Dkt. Shukuru akielezea namna wanavyotatua shida mbalimbali hasa za magonjwa ya kuku lakini pia kutoa ushauri wa kitaalam ili mfugaji asiweze kupata hasara hasa katika ufugaji wake.
Baadhi ya watu mbalimbali walifika katika semina hiyo wakiendelea kufuatilia masomo mbalimbali juu ya ufugaji wa kuku wa kisasa.
Mmoja wa wafugaji aliyefika katika Semina hiyo akielezea matarajio yake na namna atakavyo nufaika na Kuku Project. 
Mmoja wa washiriki katika Semina hiyo akielezea namna alivyoelewa kuhusiana na ufugaji wa kuku kwa kutumia vifaa vya kisasa na wenye tija kwa washiriki wengine. 
Mwendesha Semina hiyo Bi. Zainab Muharami kutoka Kuku Project akielezea zaidi baadhi ya mambo yanayohusiana na Kuku Project.
Afisa Mikopo wa Kuku Project Sigbeth Fraden akielezea taratibu za kupata mkopo kupitia Platinum Credit ambapo kwa sasa wanatoa mikopo kwa ajili ya ufugaji wa kuku kwa watumishi wa umma na mipango ya kuanza kuwapa mikopo hiyo kwa watu binafsi bado inaendelea.
Mfugaji wa mda mrefu Mama Anna Mfinanga akielezea namna Kuku Project ilivyomsaidia na alivyofaidika nayo kutoka katika ufugaji mpaka kutaftiwa masoko sehemu mbalimbali ikiwemo ya mayai. 

Meneja Utendaji wa Kuku Project Bw. Goodluck Kilango, akielezea namna watu wanaweza kufanikiwa zaidi katika ufugaji wa kuku na pia kuwataka vijana waweze kuwa wafugaji kwa sababu ufugaji unalipa, mwisho aliwashukuru wadau wote waliofika katika semina hiyo ya ufugaji iliyoandaliwa na Kuku Project.
Wafanyakazi wa kuku Project pamoja na wananchi mbalimbali waliofika katika semina ya ufugaji wa kuku wakiwa katika picha ya pamoja.(Picha zote na Fredy Njeje)

WAHUKUMIWA MIAKA 20 KWA KUKUTWA NA VIPANDE VITANO VYA MENO YA TEMBO NA UHALIFU

Na Karama Kenyunko, blogu ya jamii.

MAHAKAMA ya Hakimu Mkazi Kisutu, Dar es Salaam imewahukumu wakulima wawili na mfanyabiashara mmoja kutumikia kif ungo cha miaka 20 gerzani baada ya kupatikana na hatia ya kukutwa na vipande vitano vya meno ya tembo na kuongoza uhalifu.

Washtakiwa waliohukumiwa ni Amiri Fransis (44),  mkulima Mkazi wa Tanga, Jairab Rashid (33), mkulima na Ibrahim Mkande (30) ambaye ni mfanyabiashara.

Hukumu hiyo imesomwa leo Novemba 19 mwaka huu mbele ya Hakimu Mkazi Mkuu, Huruma Shaidi baada ya kuridhika na ushahidi wa mashahidi sita wa upande wa Jamhuri uliowasilishwa mahamani hapo pamoja na vielelezo vinne ikiwemo hati ya tathimini ya nyara za Serikali.

Hakimu alisema washtakiwa walikuwa wanatuhumiwa na makosa mawili ya kuongoza mtandao wa kiarifu na kukutwa na nyara za Serikali, Mahakama imewakuta na hatia, ambapo watatumikia kifungo cha miaka 20 jela.

Akisoma hukumu hiyo, hakimu Shaidi amesema, makosa haya ni makubwa sana, yanapelekea kuharibu utalii wa Taifa zima."Nyie ni wabinafsi sana m nataka kujinufaisha kibinafsi kwa Mali ambazo zinasaidia Taifa zima" amesema Hakimu Shaidi.

Kabla ya kutolewa hukumu hiyo, Hakimu Shaidi aliuliza upande wa mashtaka kama walikuwa na lolote la kusema dhidi ya washtakiwa, ambapo wakili wa Serikali, Elizabeth Mkunde alisema hawana kumbukumbu zote za nyuma za washtakiwa, lakini ameiomba Mahakama kutoa adhabu Kali kwa washtakiwa ili iwe fundisho kwao  kwa wengine ambao wanaingilia na kuharibu utalii wa Taifa.

Katika kesi hiyo upande wa mashtaka uliwasilisha vielelezo ambavyo ni meno ya tembo, hati ya kukamatia mali, hati ya tathimini ya nyara hizo na maelezo ya onyo.Baada ya kutolewa kwa hukumu hiyo, washtakiwa walisema hawajaridhika na hukumu hiyo na mbapo wanatarajia kukata rufaa, Mahakama Kuu.

Katika kesi hiyo inadaiwa kati ya Januari 15 na 22, 2016, wakiwa maeneo ya mbali mbali ya Jiji la Dar es Salaam na Manyara washtakiwa waliongoza mtandao wa kiuhalifu kwa kupokea, kusafirisha na kuuza vipande vitano vya meno ya Tembo bila kibali cha Mkurugenzi wa Wanyamapori.

Pia inadaiwa Januari 22, 2016 washtakiwa wakiwa walikamatwa na vipande vitano ya vya meno ya tembo, vya uzito wa kilogramu 7.9, vyenye thamani ya USD 30,000 ambazo ni sawa na Sh milioni 65.6 bila kibali.

Akizungumza nje ya mahakama, Baada ya kutolewa kwa hukumu hiyo, Wakili wa Serikali Mwandamizi, Mutalemwa Kishenyi amesema, kwa upandw wa mashtaka wameridhishwa na hukumu ya Mahakama kwani uamuzi huo ni ushindi katika vita vya kupambana na Maliasili.

SAVE THE CHILDREN YAENDESHA MAFUNZO KWA WAANDISHI WA HABARI MKOA WA SHINYANGA





Shirika la Save The Children limekutana na waandishi wa habari mkoa wa Shinyanga katika mafunzo ya siku moja kwa ajili ya kuwaeleza hali halisi ya mimba za utotoni katika mkoa wa Shinyanga ili waweze kuwa chachu ya mabadiliko katika jamii.

Mafunzo hayo yamefanyika leo Jumatatu Novemba 19,2018 katika ukumbi wa Good Shepherd mjini Kahama, ambapo mgeni rasmi alikuwa Mkuu wa wilaya ya Kahama,Anamringi Macha.

Akifungua mafunzo,Macha aliwataka waandishi wa habari kutumia kalamu zao kutoa elimu kwa jamii kuhusu madhara ya mimba na ndoa za utotoni.Alisema katika wilaya ya Kahama,halmashauri za Msalala na Ushetu zinaongoza kwa mimba na ndoa za utotoni kutokana na mila na desturi kandamizi,umaskini,tamaa za mwili,mazingira pamoja na maendeleo ya teknolojia ambapo simu za mkononi zimekuwa zikiongeza tamaa kwa wanafunzi.

“Waandishi wa habari mna nafasi kubwa katika vita hii ya kutokomeza mimba na ndoa za utotoni kwa mnawafikia watu wengi zaidi kupitia habari zenu,Lazima wadau wote tushirikiane kutokomeza changamoto hizi ili watoto wetu wawe salama”,alisema.Aidha Macha aliwataka wananchi kuzingatia utawala wa sheria na kwamba serikali itaendelea kuwachukulia sheria watu wote wanaoshiriki kuwafanyia ukatili watoto.

Kwa upande wake,Meneja wa Shirika la Save The Children mkoa wa Shinyanga,Benety Malima alisema lengo la kukutana na waandishi wa habari ni kufahamiana na kuwaeleza kuhusu shughuli zinazofanywa na shirika ili kufanya kazi pamoja kuhakikisha mimba na ndoa za utotoni zinatokomezwa mkoani Shinyanga.

“Ili kufikia malengo yaliyokusudiwa,Save The Children imeona ni vyema kukutana na waandishi wa habari kwani tunaamini waandishi wa habari ni chachu ya mabadiliko katika jamii,hivyo tukiwaeleza hali halisi ya mimba na ndoa za utotoni mtaweza kuchukua hatua pia”,alieleza Malima.

Alisema shirika hilo linatekeleza miradi mitatu mkoani Shinyanga ambayo ni mradi wa elimu,ulinzi wa mtoto na mradi wa kutokomeza mila na desturi kandamizi zinazochangia mimba na ndoa za utotoni.

“Tunashirikiana na shirika la AGAPE kutekeleza mradi wa mradi wa kutokomeza mila na desturi kandamizi zinazochangia mimba na ndoa za utotoni katika halmashauri ya wilaya ya Kishapu kwenye kata 12 na shirika la KIWOHEDE kwenye kata 8 katika halmashauri ya Ushetu ambapo katika maeneo kiwango cha mimba na ndoa za utotoni ni kikubwa”,alisema Malima.
Mkuu wa wilaya ya Kahama,Anamringi Macha akifungua mafunzo kwa waandishi wa habari yaliyoandaliwa na shirika la Save The Children kwa ajili ya kukutana na kupanga mikakati ya kutokomeza ndoa na mimba za utotoni. Kushoto ni Meneja wa Shirika la Save The Children mkoa wa Shinyanga,Benety Malima - Picha zote na Kadama Malunde na Marco Maduhu- Malunde1 blog.
Mkuu wa wilaya ya Kahama,Anamringi Macha akizungumza na waandishi wa habari wakati akifungua mafunzo kwa waandishi wa habari mkoa wa Shinyanga yaliyolenga kukutana na wanahabari na kuwaeleza hali halisi ya mimba za utotoni katika mkoa wa Shinyanga ili waweze kuwa chachu ya mabadiliko katika jamii.
Meneja wa Shirika la Save The Children mkoa wa Shinyanga,Benety Malima akielezea lengo la shirika hilo kutoa mafunzo kwa waandishi yaliyolenga kukutana na wanahabari na kuwaeleza hali halisi ya mimba za utotoni katika mkoa wa Shinyanga ili waweze kuwa chachu ya mabadiliko katika jamii.
Meneja wa Shirika la Save The Children mkoa wa Shinyanga,Benety Malima akielezea lengo la mafunzo hayo.
Meneja wa Shirika la Save The Children mkoa wa Shinyanga,Benety Malima akizungumza wakati wa mafunzo hayo.
Mratibu wa mradi wa kutokomeza mila na desturi kandamizi zinazochangia mimba na ndoa za utotoni wa shirika la Save The Children,Mary Zebron akielezea miradi inayotekelezwa na shirika hilo ambayo ni elimu,ulinzi wa mtoto na mradi wa kutokomeza mila na desturi kandamizi zinazochangia mimba na ndoa za utotoni.
Waandishi wa habari wakiwa ukumbini.
Waandishi wa habari Malaki Philipo na Stephen Wang'anyi (kulia) wakiwa ukumbini.
Mratibu wa mradi wa Ulinzi wa mtoto wa shirika la Save The Children,Alex Enock akizungumza wakati wa mafunzo hayo.
Mafunzo yanaendelea....Kulia ni Salim Yasin kutoka Huheso Fm akifuatiwa na Simeo Makoba wa Radio Faraja Fm na Marco Maduhu wa gazeti la Nipashe.
Kushoto ni Mwandishi wa habari Paulina Juma kutoka Kahama Fm na Kadama Malunde wa Malunde1 blog wakiwa ukumbini.
Kushoto ni Afisa mradi wa kuzuia mila na desturi kandamizi kutoka shirika la Save The Children,Msemakweli Bitagatcha na Meneja wa Shirika la Save The Children mkoa wa Shinyanga,Benety Malima wakiwa ukumbini.
Mwandishi wa habari gazeti la Mwananchi,Shija Felician na Shaban Alley wa Star Tv wakifuatilia mada ukumbini.
Mafunzo yanaendelea.
Kushoto ni Mdhibiti Ubora wa miradi kutoka Save The Children Kanuty Munishi akifuatiwa Afisa mradi wa kutokomeza mila na desturi kandamizi zinazochangia mimba na ndoa za utotoni kutoka shirika la KIWOHEDE,Victor Reveta na Afisa mradi wa kutokomeza mila na desturi kandamizi zinazochangia mimba na ndoa za utotoni kutoka shirika la AGAPE ,Peter Amani wakiwa ukumbini. 
Mratibu wa mradi wa kutokomeza mila na desturi kandamizi zinazochangia mimba na ndoa za utotoni wa shirika la Save The Children,Mary Zebron na Mtathmini na Ufuatiliaji wa miradi wa shirika la KIWOHEDE, Beatrice Freedom.
Kushoto ni Mwandishi wa habari/Mkurugenzi wa Kijukuu blog,William Bundala akifuatiwa Greyson Kakuru wa TBC.
Mratibu wa mradi wa kutokomeza mila na desturi kandamizi zinazochangia mimba na ndoa za utotoni wa shirika la Save The Children,Mary Zebron akitoa mada kuhusu madhara ya mimba na ndoa za utotoni.
Kulia ni Afisa Habari halmashauri ya wilaya ya Ushetu,Emmanuel Shomary akifuatiwa na Afisa Maendeleo ya Jamii halmashauri ya Ushetu,Jovitus George wakifuatilia mada ukumbini.
Kulia ni mwandishi wa habari wa ITV/Radio One Frank Mshana na Sumai Salum kutoka Divine Fm wakifuatilia mada ukumbini.
Maafisa kutoka shirika la Save The Children,KIWOHEDE na AGAPE wakiwa ukumbini.
Waandishi wa habari wakiwa ukumbini.
Afisa mradi wa kutokomeza mila na desturi kandamizi zinazochangia mimba na ndoa za utotoni kutoka shirika la KIWOHEDE,Victor Reveta akielezea mafanikio ya mradi huo katika halmashauri ya Ushetu.
Afisa mradi wa kutokomeza mila na desturi kandamizi zinazochangia mimba na ndoa za utotoni kutoka shirika la AGAPE ,Peter Amani akielezea mafanikio ya mradi huo katika halmashauri ya Kishapu.
Kushoto ni Afisa Habari halmashauri ya wilaya ya Kishapu, Robert Hokororo akiwa ukumbini,wengine ni waandishi wa habari.Picha zote na Kadama Malunde na Marco Maduhu- Malunde1 blog.