MATUKIO @ MICHUZI BLOG

Monday, July 1, 2013

MAANDALIZI YA MAPOKEZI YA OBAMA YAKAMILIKA, TASWIRA ZA IKULU ASUBUHI HII

Taswira mbalimbali zinazoonesha maandalizi ya mapokezi makubwa ya Rais wa Marekani Barack Obama atapowasili Ikulu jijini Dar es salaam mchana huu. Rais Jakaya Mrisho Kikwete kama ilivyo kawaida yake amepita kila mahali kuangalia kwamba mambo yanaenda mswano, ikiwa ni pamoja na kusaliamiana na makundi ya wananchi wa Dar es salaam walioko katika lango kuu la Mashariki.

Bendera zikiwa zimepangwa na kupangika katika upande wa lango kuu la Mashariki,Ikulu.

Rais Jakaya Mrisho Kikwete akisaliamiana na makundi ya wananchi wa Dar es salaam walioko katika lango kuu la Mashariki.

Rais Jakaya Mrisho Kikwete akiangalia Kibao cha Barabara wa Barack Obama.

Jengo la Ikulu.

Waziri wa Mambo ya Nchi za Nje na Ushirikiano wa Kimataifa,Mh. Bernard Membe akisoma ratiba.

makundi ya wananchi wa Dar es salaam walikishangilia wakati Rais Jakaya Mrisho Kikwete alipopita kuwasalimia.PICHA NA IKULU.

NIPO TAYARI KUUTUMIKIA UMOJA WA MATAIFA –LUTENI JENERALI MELLA

Mwakilishi wa Kudumu wa Tanzania katika Umoja wa Mataifa, Balozi Tuvako Manongi akiwa na Mkuu mpya ya UNAMID Luteni Jenerali Paul Ignace Mella na kulia ni Luteni Jenerali Wynjones Mathew Kisamba Naibu Kamanda na ambaye pia alikuwa akikaimu nafasi ya Kamanda Mkuu UNAMID. Luteni Jenerali Mella na Luteni Jenerali Kisamba walikuwa hapa Makao Makuu ya Umoja wa Mataifa kwa ziara ya Kikazi na mafunzo. Lt. Jenerali Mella anasema yupo tayari kulitekeleza jukumu alilokabidhiwa na Umoja wa Mataifa na kwamba uteuzi wake katika wadhifa huo ni heshima kubwa wa Tanzania, Afrika, kwake yeye binfasi na zaidi kwa JWTZ ambayo mwaka itakuwa inatimizia miaka 50 tangu kuanzishwa kwake

Mkuu Mpya wa UNAMID Luteni Jenerali Mella akiwa katika picha ya pamoja na waambata wa kijeshi kutoka nchi za Afrika na kwingineko wakati alipotambulishwa kwao katika hafla fupi iliyoandawali na Uwakilishi wa Tanzania katika Umoja wa Mataifa. kutoka kushoto ni Naibu Mwakilishi Balozi Ramadhan Mwinyi, Lt. Jenerali Wynjones Kisamba, Balozi Tuvako Manongi, Lt. Jenerali Paul Mella na Maj. Jenerali Ngodi Mkuu wa jeshi la kulinda amani huko Lebano (UNFIL).

Mkuu mpya wa UNAMID, Luteni Jenerali Paul Mella akibadilishana mawazo na Kanali Mike Redmond ambaye ni Mwambata Jeshi wa Uingereza katika Umoja wa Mataifa.

Luteni Jenerali Mella akiwa katika picha ya pamoja na baadhi ya wafanyakazi wa Uwakilishi wa Tanzania katika Umoja wa mataifa, wamo pia Balozi Tuvako Manoni, na Luteni Jenerali Kisamba.

Waambata Jeshi kutoka kushoto Kanali Mike Redmond ( UK) Luteni Kanali Tiffany Harris ( mwanadada) Naibu Mwambata Jeshi( Marekani), anayefuatia ni Mwabata Jeshi wa Kenya na Mkuu wa UNAFIL.

Na Mwandishi Maalum

Ni heshima kubwa kwa Jamhuri ya Muungano wa Tanzania, ni heshima kubwa kwa Afrika, ni heshima kubwa kwangu mimi binafsi, lakini kubwa zaidi ni heshima kubwa kwa Jeshi la wananchi wa Tanzania (JWTZ), ambalo mwakani litakuwa linatimiza miaka 50 tangu kuanzishwa kwake.

Hiyo ni kauli ya Luteni Jenerali Paul Ignace Mella, Mkuu mpya wa Jeshi la kulinda Amani la Umoja wa Mataifa katika Jimbo la Darfur (UNAMID)

Alitoa kauli hiyo mwishoni mwa wiki, wakati wa hafla fupi iliyoandaliwa na Uwakilishi wa Kudumu wa Tanzania katika Umoja wa Mataifa, kwa madhumuni ya kumtambulisha Mkuu huyo mpya wa UNAMID kwa Waambata wa Kijeshi hususani wa Kiafrika na wengineo walioko Makao Makuu ya Umoja wa Mataifa.

Aidha hafla hiyo ililenga pia kutambua mchango mkubwa na wa kutukuka wa Naibu Kamanda na ambaye pia amekuwa akikaimu nafasi ya Kamanda Mkuu wa UNAMID Luteni Jenerali Wynjones Mathew Kisamba naye kutoka JWTZ.

Akizungumzia uteuzi huo ambao ulitangazwa hivi karibu na Katibu Mkuu wa Umoja wa Mataifa Ban Ki Moon. Luteni Jenerali Mella amesema pamoja na heshima kubwa kwa nchi yake, kwa Afrika na JWTZ, lakini pia anasema anatambua fika changamoto na jukumu kubwa lililombele yake, jukumu la kuwalinda wananchi wa Jimbo la Darfur na kurejesha amani ya kudumu kati ya pande zinazopingana.

“Ni jukumu kubwa lenye changamoto nyingi, lakini nimejiandaa kulikabili na kuzikabili changamoto zilizo mbele yangu nipo tayari kuutumikia Umoja wa Mataifa” anasema Luteni Jenerali Mella.

Na kuongeza “ Dhamana kubwa ya jeshi la kulinda amani katika Darfur ni kuhakikisha usalama unapatikana wakati wote hususani kwa wananchi wasiokuwa na hatia na vilevile kwa Mashirika ya Kimataifa yanayopeleka misaada ya kibinadamu kwa wananchi hao. Pamoja na kuendeleza majadiliano ya kutafuta amani na kuhakikisha kwamba makubaliano yanapatikana na yanadumishwa kati ya pande zinazopigana”.

Mkuu huyo wa UNAMID alikuwa hapa Makao Makuu ya Umoja wa Mataifa kwa ziara ya mafunzo na maandalizi ya kuanza jukumu lake, ambapo pia alihudhuria kikao cha pamoja cha Makamanda wa Misheni zote za Ulinzi wa amani chini ya Umoja wa mataifa. Kikao hiki hufanyika New York kila mwaka.

Akizungumzia kuhusu mafunzo waliyopewa, Luteni Jenerali Paula Mella, anasema mafunzo waliyopewa pamoja na mambo mengine, yalihusu mafunzo ya ukaguzi na uthibitishaji wa weledi, utayari na utimamu wa wanajeshi wanaopelekwa kulinda amani kupitia Umoja wa Mataifa.

Amefafanua zaidi kwa kusema kwamba wanajeshi wanaopelekwa katika misheni za kulinda amani wanapitia hatua mbalimbali za mafunzo ya kuthibitisha weledi wao, utayari na utimamu. Mafunzo , ukaguzi na uthibishaji wa kwanza unafanyika kwanza katika nchi yao wanakotoka na pili yanafanyika wakisha fika katika kituo cha kazi.

Aidha akasema, katika mafunzo hayo pamoja na mkutano walioufanya, matumizi ya teknolijia za kisasa katika misheni za ulinzi yalisisitizwa sana.

Teknolojia ambazo Umoja wa Mataifa umeamua kuanza kuzitumia katika baadhi ya maeneo kwa lengo la kuimarisha ulinzi wa raia na kuboresha operesheni za ulinzi ni pamoja na ndege ambazo haziendeshwi na rubani (unmanned aerial systems ).

Akifafanua zaidi kuhudu teknolijia hiyo ya kutumia ndege ambazo hazirushwi na rubani , Mkuu huyo wa UNAMID anasema matumizi ya teknolojia hiyo ni muhimu sana hasa katika ukusanyaji wa taarifa za kitelejensia, na kutambua mwenendo wa makundi ya wanamgambo wenye silaha.

“ Hii ni teknolojia muhimu sana kwanza, kwa sababu inauwezo wa kukusanya habari na pili kupiga picha ya nini kinachoendelea katika eneo fulani,na kwa kutumia zana hii itasaidi sana katika kuyadhibiti makundi yenye silaha na hivyo kuwa na uwezo wa kuwalinda wananchi dhidi ya hatari ambayo inaweza kuwakabili.

Vilevile ameeleza kwamba katika mafunzo hayo, wakuu wao wa majeshi ya kulinda amani walifundishwa umuhimu ya kuwa karibu na vyombo vya habari.

“ Tumejifunza mengi kwa kweli, likiwano hili la uhusiano wetu na vyombo vya habari, hili ni jambo ambalo pia limepewa msisitizo wa aina yake, kwamba tunapashwa, katika utekelezaji wa majukumu yetu kufanya kazi kwa karibu na vyombo vya habari” anasema Luteni Jenerali Mella.

Awali akimtabulisha Mkuu huyo mpya wa UNAMID kwa waambata jeshi hao, Mwakilishi wa Kudumu wa Tanzania katika Umoja wa Mataifa, Balozi Tuvako Manongi, aliomba ushirikiano kutoka kwa waambata jeshi hao na serikali zao.

Akasema ingawa nafasi hiyo amepewa mtanzania lakini wanajeshi wanaounda UNAMID wanatoka katika nchi mbalimbali zikiwamo za Afrika kwa hiyo heshma hiyo ilikuwa ni ya waafrika wote na kwamba mafanikio ya UNAMID ni mafanikio ya Afrika, ni mafanikio ya Umoja wa Mataifa na ni mafanikio ya wapenda amani na kubwa zaidi kwa amani, usalama na ustawi wa ni wananchi wa Sudan hususani jimbo la Darfur.

Lt. Jen. Paul Ignace Mella, anachukua nafasi iliyoachwa wazi na Lt. Jenarali Patrick Nyamvumba kutoka Rwanda ambaye amestaafu Marchi 31, 2013.

Jeshi la kulinda amani la UNAMID linahudumiwa na watu wa kada za aina mbalimbali wapatato 19,148 . Kati yao vipo vikosi vya kijeshi vyenye wanajeshi 14,055, wangalizi wa kijeshi 342 ( Military Observers), Polisi 4,721, wafanyakazi wa kimataifa 1,077 , wafanyakazi wenyeji ni 2,924 na 448 ni wafanyakazi wa kujitolea kutoka Umoja wa Mataifa.

SPERANSIA MHONDELE NI BINTI WA MIAKA 18 MWENYE NDOTO LA KULITANGAZA TAIFA KISOKA

Mwanadada mkali wa soka Iringa na mikoa ya nyanda za juu kusini Speransia Mhondele akionyesha uwezo wake kisoka

Hapa aklionyesha jinsi ya kutuliza mpira kwa gamba

Akionyesha mbinu ya kumkabili adui kwa mpira wa angani

Hapa akijiandaa kuondoka na mpira baada ya kuutuliza kutoka hewani

Timu ya watuma salam mkoa wa Iringa ambayo binti Speransia ( wa pili kushoto waliosimama) alipata kuonyesha soka la uhakika jana wakati wa mchezo wa kirafikin kati ya watangazaji wa radio Furaha Fm na watuma salam mchezo uliomalizika kwa watangazaji kushinda baada ya kuigagadua timu ya watuma salam mabao 2-0

.......................................................................................

Spransia Evaristo Mhondele ni binti wa miaka 18 mkazi wa Kihesa katika manispaa ya Iringa mwenye kipaji cha hali ya juu katika mchezo wa mpira wa miguu mwenye ndoto za kuj kulipa heshima kubwa Taifa la Tanzania katika soka la wanawake .

“mimi nilihitimu masomo yangu ya sekondari mwaka 2012 katika shule ya sekondari Mlamke katika Manispaa ya Iringa na nimepata kuchaguliwa kujiunga na timu za UMISETA katika mchezo wa soka wanawake “

Nilianza kucheza mpira mwaka mwaka 2010 nikiwa katika mashindano ya UMISETA yaliyofanyika katika Ifunda kwa wilaya ya Iringa ambako nilikwenda kushiriki mchezo wa Basketi .

Baada ya kufika huku nilikuta kuna ushindani mkubwa katika mchezo huo ambao nilichaguliwa na hivyo baada ya kuchujwa wengi nikiwemo mimi katika mchezo huo ndipo nillipoamua kubadili mchezo na kuanza kucheza mchezo wa mpira wa miguu kwa kufanya mazoezi .

Nilifanya mazoezi usiku na mchana na baada ya mashindano mengine ya UMISETA ndipo nilipoamua kuelekeza nguvu huko na kujiunga kabisa katika timu ya mpira wa miguu ya wanawake .

Kujiunga kwangu na timu ya mpira wa miguu wanawake kuniliwezesha kupita hatua kwa kuchaguliwa kuwakilisha mkoa wa Iringa katika mashindano ya kanda ya kusini kwa kuelekea mkoani Ruvuma kwa mara ya kwanza kufika katika mkoa huo na baada ya kufanya vizuri huko nilichaguliwa kuwakilisha kanda ya kusini katika mashindano ya kitaifa yaliyofanyika Kibaha mkoani Pwani .

“ Jitihada binafsi nilizoonyesha na wachezaji wenzangu tuliiwezesha timu yetu kutoka kanda ya nyanda za juu kusini kushika nafasi ya tatu kitaifa “

Mchezaji huyo anadai kuwa ndoto yake kubwa katika soka kuja kuchezea timu kubwa za kitaifa ili kuweza kuonyesha uwezo wake zaidi .

“Kwa sasa nasuburi ruhusa ya mzazi wangu ili kuweza kuniruhusu kujikita zaidi katika michezo ili kuweza kutafuta fursa ya kulitumikia Taifa langu Tanzania katika michezo …..nilishindwa kujiunga na timu za wanawake nje ya mkoa kutokana na wazazi kunizuia kutokana na wakati huo nilikuwa masomoni “

Spransia anasema kuwa katika maisha yake wakati akiwa shule kwa sehemu kubwa alikuwa akiwaza michezo zaidi na hasa kuwa na ndoto ya kuja kuchezea timu kubwa za mpira wa miguu kwa wanawake na yawezekana hata kufeli kwake kulitokana na mawazo ya michezo .

Hata hivyo anasema kuwa kati ya mambo ambayo katika maisha anaona bado kufanikiwa na hana ndoto ya kukimbilia kuolewa wala katika mahusiano na wanaume kwa sasa ni kutokana na kutotimiza azma yake ya kuchezea timu kubwa ya soka wanawake nje ya mkoa wa Iringa .

Kwani amesema katika mashindano ya UMISETA kwa jitihada zake binafsi amepata kuifungia timu yake magoli matatu na kuwa kwa sasa baada ya kuhitimu elimu ya sekondari amepata kuchezea timu mbali mbali kama Kwa kilosa FC , Sengo FC na timu ya watuma salam mkoa wa Iringa wanaume ambapo kwa upande upande wa Sengo Fc nimepata kufunga magoli mawili .

Pia amesema kuwa anaomba chama cha mpira wa miguu wanawake Taifa iwapo kuna nafasi ya kusajili wachezaji wapya kuweza kumtazama hata kumpa nafasi ya majaribio ili aweze kuonyesha kipaji chake .

Code hizo

Mwandishi wa makala haya alipata kushuhudia kandanda safi iliyoonyeshwa na mchezaji huyo Speransia wakati wa mchezo wa kirafiki kati ya timu ya watuma salam mkoa wa Iringa na timu ya watangazaji wa kituo cha radio Furaha Fm ambapo mchezaji Speransia alipata kuchezea timu ya watuma salam na kuwa binti pekee katika timu hiyo ya wanaume ila aliweza kuwahenyesha watangazaji wa radio Furaha Fm japo ndio iliyoweza kushinda kwa magoli 2-0 dhidi ya watumasalam

Mwandishi wa makala haya ni milimiki wa mtandao wa www.matukiodaima.com

anapatikana kwa simu 0754 026 299 au 0789 281030 barua pepe mailto:francisgodwin2004@yahoo.com%3C/span%3E%3C/div>

REDD’S MISS MOROGORO 2013 AJIONGEZEA TAJI LA KANDA MASHARIKI.

Habari na Picha na John Nditi, Morogoro

MWANAFUNZI wa mwaka wa kwanza wa Shahada ya Ulinzi wa Jamii kutoka Chuo cha Usimamizi wa Fedha ( IFM), Diana Laizer (21) amefanikiwa kunyakua taji la Redd’s Miss Kanda ya Mashariki baada ya kuwashinda wenzake 12 walioshiriki kuwani taji hilo mwaka 2013.

Mshindi huyo ambaye pia ni malkia wa taji la Redd’s Miss Morogoro 2013 akiwa amevalia namba sita ya ushiriki ,amefanikiwa kuchukua mikoba ya mtangulizi wake Rose walifanikiwa kunyakua taji hilo juzi usiku katika ukimbi wa Nashera Hoteli wa Mjini hapa baada ya kutangazwa na majaji wa shindano hilo.

Jaji Mkuu , Albert Makoye ambaye ni Mkuu wa Itifaki wa Miss Tanzania, mbali na kumtangaza malkia wa Kanda ya Mashariki , alimtangaza pia mshiriki kutoka mkoa wa Morogoro Sabra Islam (19) kushika nafasi ya pili katika kinyang’anyiro hicho.

Sabra aliingia kwenye shindano hilo baada ya kushika nafasi ya pili katika shindano ya Redd’s Miss Morogoro 2013 ambaye pia ni mwanafunzi wa Chuo Kikuu Mzumbe. Kwa mujibu wa Jaji Mkuu huyo, mshindi wa tatu wa Redd’s Miss Kanda ya Mashairiki ilitwaliwa na mrembo Janeth Awet ( 19) kutoka Mkoa wa Lindi na nafasi ya nne ilinyakuliwa na mrembo Elizabeth Perty (22) kutoka Mkoa wa Pwani. Makoye alisema kutokana na washiriki wa kinyang’anyiro hizo Kanda ya Mshariki kuwa na warembo karibu wote wenye sifa na vigezo,

Kamati ya Miss Tanzania imeamua kuwachukua washiriki wanne kuingia katika kambi ya shindano ya Miss Tanzania mwaka huu. Hata hivyo alimtaja mwingine aliyeingia tano bora ni Ivon Stephen (22) kutoka Mkoa wa Mtwara , ambapo wengi walioshiriki na mikoa yao katika mabano ni Zulfa Semboja (19) ( Mtwara) na Pulkeriah Ndovi (21) ( Mtwara).

Wengine ni Sophia Maganga (21), Lindi, Zainabu Shaaban (23) (Lindi), Lilian Joseph (21) ,(Pwani ) Easther Albert (20) ( Pwani), Muzne Abduly ( 19) na Ummy Mohamed (21) wote ni kutoka Mkoa wa Morogoro. Naye Mratibu wa Shindano hilo, Alex Nikitas, aliwakabidhi zawadi kwa mshindi wa kwanza sh: 600,000, Mshindi wa pili sh: 400,000 na mshindi wa tatu sh: 300,000 , ambapo mshindi wanne na watano walipatiwa sh: 200,000 kila mmoja na wengine waliobakia kusawadiwa sh: 100,000 kila moja.

Katika shindano hilo, Mgeni rasmi alikuwa ni Mbunge wa Jimbo la Kilosa , Mustafa Mkulo na pia kuhudhuriwa na viongozi kadhaa akiwemo na Mbunge wa Jimbo la Gairo , Ahmed Sabiby pamoja na Mwanasheria Mkuu wa Serikali , Jaji Frederick Werema ambapo pia mwanamuziki wa kizazi kipya Tunda Man walitumbuiza likiwemo na kundi la sanaa la Wanne Star.

Baadhi ya wacheza shoo wa mwanamuziki wa kizazi kipya , Tunda Man, wakiongesha ujuzi wao mbele ya watanzamani hawapo pichani.

Baadhi ya washiriki wa Redd's Miss Kanda ya Mashariki 2013, wakiwa katika vazi la jioni

Mshindi wa nne , Redd's Miss Kanda ya Mashariki 2013, Elizabeth Perty kutoka mkoa wa Pwani akipita jukwaani akiwa na vazi la ubunifu.

Furaha ya ushindi na zawadi.

MC katika shindano la kumpata malkia wa Taji la Redd's Miss Kanda ya Mashariki Kaka Aidan Ricco ambaye ni Afisa Habari wa Kamati ya Miss Tanzania akielezea utaratibu wa kuwapata washindi watano

Mshiriki Zulfa Semboja kutoka mkoa wa Mtwara akionesha vazi la ubunifu mbele ya watazamaji

Washindi wanne wa Redd's Miss Kanda ya Mashariki 2013 wakisubiri Jaji Mkuu kutaja majina yao katika nafasi ya ushindi kuanzia kwanza, pili , tatu na ya nne

Mwanamuziki wa Kike wa kizazi kipya, Keisha ( wa kwanza kulia) akipiga makofi kufurahiamchuano wa warembo wa Redd's Miss Kanda Mashariki , Juni 29, mwaka huu

Mshindi wa Taji la Redd’s Miss Kanda ya Mashariki 2013, Mwanafunzi wa mwaka wa kwanza wa Shahada ya Ulinzi wa Jamii kutoka Chuo cha Usimamizi wa Fedha ( IFM) ambaye pia ni Malikia wa Taji la Mkoa wa Morogoro Diana Laizer (21) ( kati kati) akiwa na wenzake mshindi wa pili , Sabra Islam (19) ( Kushoto) pia kutoka Mkoa wa Morogoro pamoja na mshindi wa tatu Janeth Awet ( 19) kutokaMkoa wa Lindi mara baada ya kutagazwa Juni 29, mwaka huu kuwa washindi.

Redd's Miss Kanda ya Mashariki 2013 yenye taji kishwani akiwa kwenye picha ya pamoja na washindi wenzake waliokuwa wameingia tano bora.

Redd's Miss Kanda ya Mashariki 2013, Diana Laizer akifurahia kitita cha fedha alichokabidhiwa na Mbunge wa Jimbo la Kilosa, Mustafa Mkulo baada kutangazwa mshindi.

Redd's Miss Morogoro , Diana Laizer ( kushoto) pamoja na mshindi wa pili wa Mkoa wa Morogoro, Sabra Islam akishikana mikono kusubiri nani atatangazwa kuwa Redd's Miss Kanda ya Mashariki , Juni 20, mwaka huu.

Wapenzi wa fani ya urembo wa Umiss wa kutoka sehemu mbalimbali ndani ya nje ya Mkoa wa Morogoro akishangilia kutajwa kwa Diana Laizer , Redd's Miss Morogoro kutwaa taji la Kanda ya Mashariki

Spika wa Bunge la Oman, (Majlis A'shura) Sheikh Khalid Bin Bilal Bin Nasir Al Maawali atembelea Serengeti

Spika wa Bunge la Oman pamoja na wabunge 6 na wafanyakazi wengine wa Bunge la Oman, (Majlis A'shura) Sheikh Khalid Bin Bilal Bin Nasir Al Maawali leo ametembelea mbuga ya wanyama ya Serengeti na kushuhudia sehemu ya 'Great Migration' katika mbuga hiyo. . Spika huyo ameishauri Tanzania kuitangaza zaidi utalii kwa kupitia vyombo vyote vya habari pamoja na mitandao ya kijamii ili kuvutia watalii wenye uwezo wa kifedha zaidi. Amehaidi ushirikiano wa kuitangaza Tanzania katika Inchi ya Oman na kuifanya iwe kivutio kwa wawekezaji wa kiarabu zaidi.

Spika wa Bunge la Oman, (Majlis A'shura) Sheikh Khalid Bin Bilal Bin Nasir Al Maawali akiwa katika hoteli ya kitalii ya Serengeti Four Seasons kabla ya kuelekea mbugani