WIZARA YA NISHATI NA MADINI YANG’ARA KWENYE MAONESHO YA SABA SABA

Mjiolojia Mkuu wa Wizara ya Nishati na Madini Bw. Mwara Shoo akitoa maelezo kwa mmoja wa wananchi waliotembelea banda la Wizara ya Nishati na Madini kwenye maonesho ya kimataifa ya Saba Saba yanayoendelea katika viwanja vya Mwalimu Nyerere jijini Dar es Salaam.

Afisa Utaalam Elekezi kutoka Wakala wa Nishati Vijijini (REA) Mhandisi Advera Mwijage akitoa elimu kwa wananchi waliotembelea banda hilo.

Wataalam kutoka Shirika la Madini la Taifa (STAMICO) wakiwa katika picha ya pamoja na Mkurugenzi Mstaafu wa Shirika hilo Bw. Gray Mwakalukwa mara alipotembelea banda hilo.

Mjiolojia Mkuu kutoka Wakala wa Jiolojia Tanzania (GST) Bw. Momburi Philip akitoa elimu kwa mwananchi aliyetembelea banda hilo.

Mtaalam kutoka Shirika la Umeme Nchini (TANESCO) Mhandisi Juliana Palangyo akitoa maelezo kwa Mkurugenzi Mstaafu wa Shirika la Madini la Taifa Bw. Gray Mwakalukwa mara alipotembelea banda hilo.

Mtaalam wa Mazingira kutoka Wakala wa Ukaguzi wa Madini Nchini (TMAA) Bi. Monica Augustino akitoa maelezo kwa kikundi cha kinamama wajasiriliamali kutoka Simanjiro mara walipotembelea banda hilo.

Mjiofizikia kutoka Shirika la Madini la Taifa (STAMICO) Bw. Denis Silas akitoa ufafanuzi juu ya shughuli za shirika hilo kwa mmoja wa wananchi waliotembelea banda hilo.

Mtaalam kutoka Kitengo cha Uthamini wa Madini ya Almasi na Vito (TANSORT) Bi. Teddy Goliama (kulia) akitoa elimu kwa mwananchi aliyeshika kinyago jinsi shughuli za uthamini wa madini ya vito zinavyofanywa na Kitengo hicho.

Mtaalam kutoka Kitengo cha Uthamini wa Madini ya Almasi na Vito (TANSORT) Matiko Mwita Sanawa akimwonesha kinyago kilichotengenezwa na madini mmoja wa wananchi waliotembelea banda la Wizara kwenye maonesho hayo.

WANAHABARI WAPATIWA ELIMU YA MFUMO UTAKAOTUMIKA KUBORESHA DAFTARI LA KUDUMU LA KUPIGA KURA.

 Mjumbe wa  Tume ya Taifa ya Uchaguzi, Jaji Mstaafu John Mkwawa  wakati akisoma taarifa wakati   akifungua mkutano wa siku moja na waandishi wa habari wa Mkoa wa Iringa unaohusu uboreshaji wa daftari la kudumu la wapiga kura awamu ya kwanza na matumizi ya Teknolojia mpya ya Biometric Voter Registration uliofanyika katika ukumbi wa ofisi za mkuu wa mkoa wa Iringa. 

 Baadhi ya waandishi wa habari waliohudhuria mkutano huo wa NEC kuhusu uboreshaji wa daftari la kudumu la wapiga kura awamu ya kwanza na matumizi ya Teknolojia mpya ya Biometric Voter Registration uliofanyika katika ukumbi wa ofisi za mkuu wa mkoa wa Iringa mkutano uliofanyika katika ukumbi wa Mkoa wa Iringa. 

Mkurugenzi wa Idara ya habari na Elimu kwa Wapiga Kura Tume ya Taifa ya Uchaguzi (NEC) Ruth Mashama akizungumza kuhusu uboreshaji wa daftari la kudumu la wapiga kura awamu ya kwanza na matumizi ya Teknolojia mpya ya Biometric Voter Registration uliofanyika katika ukumbi wa ofisi za mkuu wa mkoa wa Iringa

Na Denis Mlowe,Iringa

TUME ya Taifa ya Uchaguzi imetoa elimu kwa waandishi wa habari wa mkoa wa Iringa kuhusu kusambaza elimu juu ya  mchakato wa uboreshaji wa daftari la kudumu la wapiga kura kwa wananchi juu ya mfumo mpya utakaotumika kuandikisha wapiga kura wa mkoani hapa wa teknelojia ya kibailojia(BVR).

Tume inatarajia kufanya uboreshaji wa daftari la Kudumu wa Wapiga kura kwa awamu ya kwanza hivi karibuni kwa kutumia Teknolojia mpya ya Biometric Vote Regstration (BVR).

Hayo yamebainishwa juzi  mjini hapa na Mjumbe wa  Tume ya Taifa ya Uchaguzi, Jaji Mstaafu John Mkwawa  wakati  akifungua mkutano wa siku moja na waandishi wa habari wa Mkoa wa Iringa unaohusu uboreshaji wa daftari la kudumu la wapiga kura awamu ya kwanza na matumizi ya Teknolojia mpya ya Biometric Voter Registration uliofanyika katika ukumbi wa ofisi za mkuu wa mkoa wa Iringa.

Jaji Mkwawa alisema lengo ni kuhakikisha kuwa wale wote wenye sifa za kuwa wapiga kura  waliofika umri wa miaka 18 na hawapo katika daftari la kudumu la kupiga kura,waliohama makazi yao ya awali walikojiandikisha na  wanajitokeza kwa wingi katika vituo vya kujiandikisha kwenye daftari la kudumu la wapiga kura.

Alisema mfumo huo mpya ni wa kuchukua au kupima taarifa za mtu za kibaiolojia au tabia ya mwanadamu na kuhifadhi katika kanzi data kwa ajili ya utambuzi na kutumia kitambulisho kipya cha kupiga kura.

“Mfumo huu hutumika katika kumtambua mtu na kumtofautisha na mwingine, ingawa tabia hizo za binadamu ziko nyingi, lakini kwa ajili ya kuandikisha wapiga kura watachukuliwa alama za vidole vyote kumi  vya mikono, picha na saini ndizo zitachukuliwa na kuhifadhiwa kwenye Kanzi Data (Database) ya wapiga kura” Alisema Jaji Mkwawa

Jaji Mkwawa alisema kupiga kura kwa Watanzania walio wengi sio lazima hivyo  hawaoni thamani ya kupiga kura, hivyo Vyombo vya Habari vinawajibu mkubwa wa kuelimisha umma juu ya  umuhimu wa kujiandikisha katika daftari la kudumu la wapiga kura na ni tofauti na nchi ya Shelisheli ambayo kujiandikisha na kupiga kura ni lazima.

Kwa upande wake Mkurugenzi wa Idara ya habari na Elimu kwa Wapiga Kura Tume ya Taifa ya Uchaguzi (NEC) Ruth Mashama akiwasilisha mada inayohusu maandalizi ya uboreshaji wa Daftari la kudumu la wapiga kura  kwa kutumia teknolojia ya Biometric Vote Registration (BVR) ameeleza kuwa Tume inatarajia kuboresha Daftari la kudumu la wapiga kura awamu ya kwanza hivi karibuni na maandalizi yake tayari yamekamilika kwa sehemu kubwa na baadhi ya vifaa vimeanza kuwasili nchini Tanzania.

Alisema matumizi ya mfumo mpya utatumika katika zoezi la uandikishaji  pekee tofauti na nchi nyingine zilizotumia mfumo hadi katika kupiga kura na kugundua mafanikio yaliambatana na changamaoto mbalimbali za kiteknolojia na kimfumo.

Mashama alizitaja baadhi ya nchi za Kiafrika zilizokwisha tumia mfumo wa BVR kuwa ni Nigeria 2007,Ghana 2009,Liberia2005,Guinea 2005,Mali 2005, Uganda 2008,Kenya 2013,Zambia 2008, Afrika Kusini na Zanzibar 2009. 

KAMPUNI YA ORIFLAME YATAMBULISHA BIDHAA ZAKE KWENYE SOKO LA TANZANIA

Kampuni ya Vipozi vya aina mbalimbali vya urembo OriFlame wamefanya maonesho ya Bidhaa zao Tarehe 2.07.2014 katika ukumbi wa Zanzibar katika Hotel ya Hyatt Regency(The Kilimanjaro Hotel).

Kampuni hiyo yenye wigo mpana wa kibiashara ambayo ina matawi zaidi ya nchi 20 duniani na pia Katika Mabara manne ya Duniani wametambulisha bidhaa zao mpya kwenye soko la Tanzania ambazo ni marashi ya kike na kiume pamoja na vipodozi mbalimbali,

Juu Pichani ni  Maznat Yusuph Sinare kutoka saloon ya Maznat Bridal mtaalamu wa kuchanganya Vipodozi akimremba mwanadada Janeci Maluli ili kuonyesha aina tofauti za vipodozi vya Kampuni hiyo.

 Maza Yusuph Sinare  akimpaka wanja wa nyusi Mwanamitindo Janeci Maluli kwenye  sherehe za uzinduzi wa bidhaa mpya za kampuni ya ORIFLAME iliyofanyika kwenye ukumbi wa Zanzibar katika Hotel ya Hyatt Regency(The Kilimanjaro Hotel).

Mwanadada Janeci Maluli akiwa kwenye pozi baada ya kumaliza kurembwa kwa  kutumia Vipodozi vya kampuni ya ORIFLAME

Waandishi wa habari wakipata maelekezo kutoka kwa mmoja wa wafanyakazi wa kampuni ya ORIFLAME  Fortunata Nkya

Fredrick Njoka akizungumza jambo na mkuu wa masoko wa kampuni ya Vipodozi ya ORIFLAME, Harry Nyagi katika sherehe ya uzinduzi wa vipodozi vipya kwenye ukumbi wa Zanziba Hotel ya Hyatt Regency(The Kilimanjaro Hotel).

Mkurugenzi mkuu wa ORIFLAME katika upande wa Afrika ya Mashariki bwana Klas Kronaas (kushoto) akizungumza jambo na mkuu wa masoko wa kampuni ya Vipodozi ya ORIFLAME, Harry Nyagi (katikati) na kuliani mmoja wa wafanyakazi wa kampuni hiyo Bi. Fortunata Nkya

 Fortunata Nkya akizungumza na waandishi wa habari kwenye sherehe ya utambulisho wa bidhaa za ORIFLAME  katika soko la Tanzania

Mkurugenzi mkuu wa kampuni ya ORIFLAME katika upande wa Afrika ya Mashariki bwana Klas Kronaas akielezea namna bidhaa zao zinavyotengenezwa kwenye kwenye sherehe ya utambulisho wa bidhaa zao katika soko la Tanzania

Bi. Maznat Yusuph Sinare akieleza namna bidhaa na vipodozi mbalimbali vilivyokuwa na ubora wa kimataifa kwenye uzinduzi wa vipodozi vipya vya kampuni ya ORIFLAME kwenye ukumbi wa

 Maznat Yusuph Sinare akimpaka meck up mmoja wa warembo kwenye uzinduzi wa bidhaa mpya ya kampuni ya ORIFLAME

Mwanamitindo Neema Mbuya akipita jukwaani kuonesha moja ya Ripstick kwenye sherehe ya uzinduzi wa bidhaa mpya za kampuni ya ORIFLAME nchini Tanzania

 Mwanamitindo Annie Moses akiweka pozi la nguvu wakati akionesha Lipstick Ya kupaka mdomoni kwenye uzinduzi wa Bidhaa za kampuni ya ORIFLAME

Mwanamitindo Janeci Maluli alipita jukwaani akionesha moja  ya Ripstick kwenye sherehe ya uzinduzi wa bidhaa mpya ya kampuni ya ORIFLAME

Mkuu wa masoko wa kampuni ya Vipodozi ya ORIFLAME, Harry Nyagi akizungumza  jambo kwenye sherehe ya uzindizi wa bidhaa mpya za kampuni ya ORIFLAME

Mkurugenzi mkuu wa kampuni ya ORIFLAME katika upande wa Afrika ya Mashariki bwana Klas Kronaas akifanya uzinduzi rasmi kwa kufungua bango lililokuwa linaonesha bidhaa zao mpya

Mwonekano wa bidhaa zilizozinduliwa na kampuni ya ORIFLAME nchini Tanzania

Wageni walioalikwa kushuhudia uzinduzi huo wakijadiliana jambo kuhusiana na Bidhaa za kampuni ya ORIFLAME

Baadhi ya wadau waliofika kwenye uzinduzi huo wakifuatilia kwa makini maelekezo ya bidhaa za kampuni ya ORIFLAME

KAGASHEKI CUP 2014: WANABODABODA RWAMISHENYE FC WATEMA CHECHE TENA, WAIFUNGA TIMU YA NSHAMBYA BAO 4-0. KHALID SELEMAN AFUNGA HAT-TRICK!

Wachezaji timu zote mbili wakisalimiana Rwamishenye FC vs Nshambya FC

Na Faustine Ruta, Bukoba

TIMU ya Rwamishenye Fc leo imeifunga Nshambya mabao 4-0 kwenye mchezo wao wa pili LIGI YA KAGASHEKI. Mtanange wao wa kwanza wa Ufunguzi wa Hii Ligi waliwanyuka bao 3-1 Mabingwa watetezi Bilele Fc 3-1.

Rwamishenye waliokuwa wanapewa nafasi kubwa ya kushinda kutokana na makeke ya wachezaji wake ilijikuta Mchezaji wake Hatari Khalid Seleman akifunga bao zote Nne. 

Kipindi cha kwanza Khalid Seleman aliifungia bao mbili na kufanya 2-0 dhidi ya timu ya Nshambya. Kipindi cha pili tena akafunga bao mbili bao moja likiwa la penati.

Mapema leo mchana timu ya Bilele Fc Mabingwa watetezi aliifunga bao 1-0. 

Mashindano haya yataendelea tena kesho na kwa mechi mbili, Mechi ya kwanza itakuwa ni Hamugembe Fc vs Bakoba Fc saa 8:00 mchana na jioni sa 10:00 jioni ni Kahororo vs Kashai.

Waamuzi wa Mchezo huo Pamoja na Manahodha wa Timu zote mbili wakiteta kabla ya kuanza kipute jioni hii.

Waamuzi wa Mchezo huo Pamoja na Manahodha wa Timu zote mbili kwenye picha ya pamoja.Kikosi cha timu ya Bodaboda Rwamishenye.

Kikosi cha Timu yaNshambya Fc

Kocha Mkuu wa Timu ya Rwamishenye akiwapa somo wachezaji wake wa Rwamishenye FC Bw. Tegamaisho Deogratias, Hakuna kubweteka..na leo tunataka ushindi!!Kipute kilianza kwa kukamiana sana.

Mchezaji wa Rwamishenye Fc Seleman Khamis(kushoto) akichuana na Mchezaji wa Nshambya Odilo Gervase.Mashabiki waliingia kwa wingi Kaitaba leo

Siyo Kwamba Boda baoda zimeisha katika Kata ya Rwamishenye!! Hizi ni chache sana! ni za mashabiki kwani wamekuja kuwaangalia wenzao wanabodaboda wenzao wanasoka.

MTOTO WA MIAKA TISA, IDDA BAITWA AELEKEA KILELE CHA MLIMA KILIMANJARO.

Mtoto Idda Baitwa akiwa na ndugu yake Leah Baitwa wakiwa wamepumzika baada ya kutembea umbari mrefu wakipanda mlima Kilimanjaro.

Mtoto Idda Baitwa akijaribu kupita katika miamba kwa msaada wa fimbo wakati akipanda mlima Kilimanjaro.

"Hoi' ni baada ya kutembea umbali mrefu.

Baada ya kuvuka vikwazo kadhaa mtoto Idda Biatwa alipata afasi ya kuchukua Taswira na nduguze.

Safari ikaendelea.

Kila kivutio alichokutana nacho mtoto Idda Baitwa na nduguze walipata kuchukua Taswira.

Safari ikaendelea.

Muda mfupi kabla ya kuanza safari ya kuelekea kileleni.

Na Dixon Busagaga wa Globu ya Jamii Kanda ya Kaskazini.