Makamba awataka wataalam elekezi mazingira kubadilika kiutendaji

WAZIRI wa nchi Ofisi ya Makamu wa Rais (Muungano na Mazingira),Bw.

January Makamba amewataka wataalamu elekezi wa tathmini ya athari kwa mazingira kubadilika kiutendaji ili tasnia hiyo iendelee kukua na

kutoa mchango stahiki katika maendeleo ya taifa. 

Akifungua Mkutano wa Pili wa Mwaka wa Chama cha Wataalamu Elekezi wa

Tathmini Athari kwa mazingira, ukaguzi na vibali vya awali jijijni

Dar es salaam mwishoni mwa wiki, Bw. Makamba alisema wataalamu elekezi wa mazingira wana umuhimu mkubwa katika ujenzi wa uchumi,lakini lazima wabadilike namna ya utendaji wao wa kazi.

‘’Katika changamoto za namna ya ufahamu na ufanywaji wa

tathimini na ukaguzi wa mazingira nyie kama chama mnauwezo wa

kujipanga kuanzisha programu za mafunzo na kubadilishana uzoefu (

Capacity Building) kwa kufanya hivo itasaidia kuboresha na kuimarisha

uwezo wenu wa kiutendaji,’’ alisema Waziri Makamba.

Waziri Makamba alisema suala la tathimini za athari kwa mazingira

linapewa kipaumbele ili kwenda sambamba na azma ya Serikali ya Awamu

ya Tano ya kujenga Uchumi wa Kati na Viwanda ifikapo mwaka 2025.

“Kuna changamoto kadhaa kwenye usajiri wa wataalam elekezi wa

mazingira kuhusu ulipwaji wa ada za mwaka ambapo serikali inapoteza

mapato yake. Taarifa ya NEMC inaonyesha kuwa mwaka 2018 wataalam

binafsi wanadaiwa jumla ya shilingi milioni 600, na makampuni

yanadaiwa jumla ya milioni 250 kama ada za mwaka,” alisema.

Bw. Makamba alisema serikali inawatambua wataalam na kazi zao kwa wale

wasiolipa ada za mwaka katika tasnia hii walipe mara moja kabla hatua

kali za kisheria hazijachukuliwa.Kwa upande wake Kaimu Mkurugenzi Mkuu wa Baraza la Taifa Usimamizi wa Mazingira (NEMC),Bw.Vedast Makota alisema kama Baraza limejipanga kufanya marekebisho kwenye kanuni ya tozo na ada pamoja na kanuni ya tathimini athari kwa mazingira .

Dkt. Makota alisema hadi kufikia mwezi wa nne mwaka huu, NEMC

ilifanikiwa kutoa kanuni mpya ya ada na tozo ya Baraza ambapo

kimsingi ilizingatia malalamiko ya wananchi ambao walikuwa wanatozwa

katika ada na tozo mbalimbali.‘’Hapo awali miradi ilikuwa inatozwa kwa asilimia ya gharama ya uwekezaji lakini kwa sasa tumeliondoa na kuweka viwango ambavyo vitakuwa rafiki kwa wawekezaji ’’ alisema Dkt. Makota.

Alisema kwa sasa miradi midogo inatozwa kuanzia milioni mbili

tofauti na hapo awali ilikuwa inatozwa kuanzia milioni Kumi ambapo

miradi ya serikali inatozwa milioni 50 kulingana na gharama za

uwekezaji wa mradi lakini ilikuwa milioni 500 hadi milioni 600.

Dkt. Makota alisema Kanuni mpya walizozitoa Septemba mwaka huu kwa

upande wa sekta ya viwanda, mwekezaji anaruhusiwa kuomba kibali hata

kama hajakamilisha matakwa ya msingi kwenye andiko la awali ambapo

masharti yanamtaka kuwa ndani ya miezi 4 awe amepata cheti.

Naye Mwenyekiti wa Chama cha Wataalam eEekezi wa Mazingira

Tanzania, Prof. Hussein Sosovele alisema kama Chama kimejipanga

kufanikisha azma ya serikali ya awamu ya Tano ya ya kufikia uchumi

wa kati na viwanda ifikapo 2025 kwa kufanya uchambuzi yakinifu juu

ya tathmini ya uwekezaji na kuainisha namna uwekezaji huo utakavyo

leta tija bila kuaribu mazingira.

“Chama kitaishauri serikali juu ya namna bora ya kutumia rasilimali

bila kuharibu mazingira kwa kiasi ambacho hakitaweza kurekebishika,’’

alisema Prof. Sosovele.

Kwa upande wake Mtaalam wa Mzingira Bw. Peter Luena alisema

Mkutano huo una manufaa makubwa kwao na kuamini kuwa serikali

itayafanyia kazi mapendekezo yao waliyoyatoa na watanzania

wategemee mambo makubwa katika usimamizi na utunzaji wa mazingira.