RHINO RANGERS WATUA SALAMA BUKOBA, KESHO JUMAMOSI UWANJANI KAITABA KUWAKABILI KAGERA SUGAR

Na Faustine Ruta, Bukoba

Ligi Kuu ya Vodacom (VPL) kuwania ubingwa wa Tanzania Bara inaingia raundi ya 19 kesho (Februari 22 mwaka huu) kwa mechi tano zitakazochezwa katika miji ya Dar es Salaam, Bukoba, Morogoro, Tanga na Arusha.

Kocha wa Rhino Rangers

Wachezaji wa Timu ya Rhino Rangers kutoka Tabora wakifanya mazoezi yao ya mwisho kwenye Uwanja wa Kaitaba jioni hii, Kesho Kuwakabili Wenyeji Kagera Sugar. Rhino Rangers ambao wanashika nafasi ya mkiani mwa ligi hiyo pendwa ya Vodacom wanapointi 23.

Kesho tunataka tuondoke na Pointi zote tatu!!

Wachezaji wa Rhino wakijifua vikali kwenye uwanja wa Kaitaba leo hii.

Hapo hapo!

Yanga itakuwa mgeni wa Ruvu Shooting ya mkoani Pwani katika mechi itakayofanyika Uwanja wa Taifa, Dar es Salaam. Nayo Kagera Sugar inaikaribisha Rhino Rangers ya Tabora katika mchezo utakaofanyika Uwanja wa Kaitaba mjini Bukoba. 

Uwanja wa Manungu uliopo Turiani mkoani Morogoro ndiyo utakaotumika kwa mechi kati ya Mtibwa Sugar na Ashanti United, wakati Coastal Union itaumana na Mbeya City katika mechi itakayooneshwa moja kwa moja na Azam Tv kutoka Uwanja wa Mkwakwani jijini Tanga. 

Maafande wa Oljoro JKT watakuwa nyumbani kupambana na Mgambo Shooting katika mchezo utakaofanyika kwenye Uwanja wa Kumbukumbu ya Sheikh Kaluta Amri Abeid jijini Arusha. 

Jumapili (Februari 23 mwaka huu) katika Uwanja wa Taifa ni Simba dhidi ya JKT Ruvu, mechi ambayo pia itaoneshwa moja kwa moja na Azam Tv. Mechi kati ya Azam na Tanzania Prisons iliyokuwa ichezwe kesho (Februari 22 mwaka huu) Uwanja wa Chamazi sasa itachezwa Jumapili (Februari 23 mwaka huu) ambapo na itakuwa ‘live’. 

Ligi hiyo itaendelea Jumatano (Februari 26 mwaka huu) kwa mechi moja kati ya Ashanti United na Azam itakayochezwa kwenye Uwanja wa Azam Complex (Chamazi).Kesho kazi ipo Kagera Sugar, Msimu huu wa kwanza Kagera Sugar iliwanyuka kwao bao 1-0 kwenye uwanja wao huko Tabora mnamo tarehe 28/9/13, sasa ni wakati wa Rangers kulipiza kisasi!!

Kazi ipo kesho, Kagera Sugar mjiandae!!

Viongozi wa Rhino Rangers ya Tabora wakiwapa somo wachezaji wao leo kwenye uwanja wa Kaitaba uliopo Bukoba Mjini.

Wachezaji wa Rhino Rangers wakiendelea kuwasikiliza kwa makini viongozi wao ili kesho waweze kuokota pointi 3 muhimu za ugenini kwenye uwanja wa Kaitaba dhidi ya wakata Miwa Kagera Sugar.

Katikati ni mchezaji wa zamani wa Kagera Sugar ambaye alijiunga na Rhino Rangers ya Tabora na Kesho anakwaana na timu yake ya zamani Kagera Sugar kwa mara ya kwanza kwenye uwanja wa Kaitaba.