PABLO VELEZ : Curriculum Vitae

Kocha mpya wa timu ya African Lyon inayoshiriki Ligi Kuu ya Tanzania Bara, Pablo Ignacio Velez kutoka Argentina wa kwanza kulia, akizungumzia nini atafanya akiwa na timu hiyo kwa ajili ya msimu ujao uliopangwa kuanza Septemba Mosi mwaka huu. Kocha huyo amesaini mkataba wa miaka mitatu na timu hiyo. Wengine katika picha ni Charles Otieno ambaye ni mkurugenzi wa ufundi na Biashara wa timu hiyo na Meneja Mkuu na Mmiliki wa timu hiyo, Rahim Kangezi. Picha na Mpiga picha wetu.

=======================================

C.V.

PABLO VELEZ.

SOCCER COACH.

PHYSICAL TRAINER.

PERSONAL DATA.

GENERAL INFORMATION PROMPTS.

NAMES:     PABLO IGNACIO.

SURNAME:     VELEZ.

NATIONALITY:     ARGENTINEAN.

DNI:     23195057.

PLACE AND DATE OF BIRTH:     CÒRDOBA, ARGENTINA.  JANUARY 28, OF 1973.

AGE:     38 YEARS OLD.

DRESS:     AGUADA DEL MONTE 8757. VILLA RIVERA INDARTE. ARGUELLO. CORDOBA. ARGENTINA.

PHONE NUMBER:   0351 157038916. 

E-MAIL:         pf.pablovelez@hotmail.com.ar 

ACADEMIC FORMATION.

ELEMENTERY SCHOOL:     INSTITUTO HOGAR LA INMACULADA.

HIGH SCHOOL:     INSTITUTO HOGAR LA INMACULADA.

COLLEGE EDUCATION:

1) BLAS PASCAL UNIVERSITY:

-        COMPUTER SYSTEMS ANALYST.

-        PROGRAMMER ANALYST.

-   PC OPERATOR.

2)  ASSOCIATION OF ARGENTINIAN SOCCER COACHES (A.T.F.A.) – NATIONAL SCHOOL OF TECHNICIAN Nº29 – CÒRDOBA BRANCH:

-        SOCCER COACH.

3)  UNIVERSIDAD NACIONAL DE CÒRDOBA (UNC), FACULTAD DE CIENCIAS MEDICAS / INSTITUTO DE FISIOLOGIA HUMANA:

-        PHYSICAL TRAINER.

-        PERSONAL TRAINER.

-        FITNESS INSTRUCTOR.

-        INSTRUCTOR of techniques of adaptation:  Column disorders,

    Metabolic disorders (Obesity/Diabetes Type 2),    

    Cardiovascular Rehabilitation.

4)  HECTOR GONZALES CEBALLOS KARATE SCHOOL:

 

     -  KARATE INSTRUCTOR / BLACK BELT/ 1st DAN.

SPORTS ANTECEDENTS.

CLUB:          ATLETICO ARGENTINO PEÑAROL.

DIVISION:       6TH, 5TH, 4TH, 3RD, AND 1ST.  

PERIOD:           YEARS 1987/88/90 AND 99.

CLUB:          ATLETICO ROSARIO CENTRAL.

DIVISION:       4TH.

PERIOD:           YEAR 1989.

CLUB:          HURACAN DE LAS VARILLAS.

DIVISION:       1ST.

PERIOD:           YEAR 1990.

CLUB:          DEPORTIVO LASALLANO.

DIVISION:       1ST.

PERIOD:           YEAR 1992.

CLUB:          CLUB BANCO DE CORDOBA.

DIVISION:       1ST.

PERIOD:           YEARS 1991 AND 1997.

CLUB:          CLUB ATLETICO RIVER PLATE.

DIVISION:       3RD AND 1ST.

PERIOD:            YEARS 1993 / 94 / 95.

CLUB:         CLUB ATLETICO BELGRANO DE CORDOBA.

DIVISION:       1ST

PERIOD:           YEAR 1997

CLUB:         ATLETICO COLO COLO DE CHILE.

DIVISION:       1ST.

PERIOD:           YEAR 1998.

CLUB:         ATLETICO CALCHIN.

DIVISION:       1ST.

PERIOD:          YEAR 2000.

PROFESSIONAL WORK EXPERIENCE IN CLUBS.

CLUB:             BANCO DE CORDOBA.

POSITION:       SOCCER COACH OF 4TH, 5TH AND 6TH DIVISION.

                              

         ASSISTANT COACH OF 1ST DIVISION.

                                       GOALKEEPERS COACH.

PERIOD:                YEAR 2006.

CLUB:               BANCO DE CORDOBA.

POSITION:         SPORTS COORDINATOR,

                              

           SOCCER COACH OF 1ST DIVISION.

                              

          GOALKEEPERS COACH.

PERIOD:                YEAR 2007.

CLUB:                CLUB ATLETICO ARGENTINO PEÑAROL.

POSITION:         SPORTS COORDINATOR,

                              

           PHYSICAL TRAINING COORDINATOR,

                              

           PHYSICAL TRAINING OF 1ST DIVISION,

                              

          ASSISTANT COACH OF 1ST DIVISION.

                              

          GOALKEEPERS COACH.

PERIOD:               YEAR 2008 AND 2009.

CLUB:             CLUB ATLETICO ARGENTINO PEÑAROL.

POSITION:        PHYSICAL TRAINING OF 1ST DIVISION.

                                       ASSISTANT COACH OF 1ST DIVISION. ( OF COACH JOSE MARIA SUAREZ : EX SOCCER PLAYER OF CLUB ATLETICO BOCA JUNIORS, BELGRANO, SELECCIÓN ARGENTINA) .

(SPORTING ACHIEVEMENTS : CHAMPION WITH BOCA JUNIORS OF THE LOCAL TOURNAMENT , COPA LIBERTADORES TWICE, AND COPA INTERCONTINENTAL), 

                              

          GOALKEEPERS COACH..

PERIOD:                YEAR 2009 AND 2010.

SPORTING ACHIEVEMENTS.

TORNEO PROVINCIAL DE FUTBOL 2009 (WITH ARGENTINO PEÑAROL):

-        3RD POSITION.

-         - SPECIAL MENTION OF THE FEDERACION CORDOBESA DE FÙTBOL AS BEST PHYSICAL TRAINING OF CÒRDOBA.

TORNEO PROVINCIAL DE FUTBOL 2010 (CON ARGENTINO PEÑAROL):

-        3RD POSITION.

-         - SPECIAL MENTION OF THE FEDERACION CORDOBESA DE FÙTBOL AS BEST PHYSICAL TRAINING OF CÒRDOBA.

-         

SPECIAL CONSIDERATIONS.

SPECIAL NOTE: My technical team is currently composed of JoSÈ Marìa Suarez, who Serves as my ASSISTANT COACH now

-

HUKUMU YA KESI YA MAHALU KUSOMWA LEO

MAHAKAMA ya Hakimu Mkazi Kisutu, leo inatarajia kutoa hukumu ya Kesi ya Uhujumu Uchumi na Kuisababishia Serikali hasara ya Euro 2 milioni, inayomkabili aliyekuwa Balozi wa Tanzania, nchini Italia Profesa Costa Mahalu na Ofisa Utawala wa ubalozi huo, Grace Martin.

Profesa Mahalu na Martin wanakabiliwa na mashtaka sita yakiwamo ya uhujumu uchumi na kuisababishia Serikali hasara ya Euro 2,065,827.60, katika mchakato wa ununuzi wa jengo la Ubalozi wa Tanzania nchini Italia.

Hukumu ya kesi hiyo iliyokuwa ikinguruma mahakamani hapo kwa miaka kadhaa sasa, inatarajiwa kusomwa leo na Hakimu Mkazi Mfawidhi wa Mahakama hiyo, Ilvin Mugeta ambaye amekuwa akiisikiliza.

Awali, hukumu hiyo ilipangwa kusomwa Julai 11, mwaka huu lakini iliahirishwa kutokana na Hakimu Mugeta kukabiliwa na majukumu mengine. Kesi hiyo iliahirishwa na Hakimu Mkazi, Aloyce Katemana na kupanga kuwa hukumu hiyo itasomwa leo.

Kiongozi wa jopo la mawakili wa washtakiwa hao, Mabere Marando alisema jana kwamba anaamini kesi hiyo ambayo imechukua muda mrefu, leo inafikia mwisho kwa Mahakama kutoa hukumu.

Hata hivyo, hakutaka kuizungumzia kwa undani hukumu ya leo badala yake alisema kuwa wanachosubiri ni kuona itakavyokuwa, ila wako tayari kwa matokeo yoyote.

“Sisi tunasubiri kuona hukumu ya Mahakama, kwani imekuwa ikisubiriwa sana. Kama akiachiwa tutafurahi na tutakunywa wine (mvinyo) usio na kilevi kama akifungwa basi tutapiga magoti kumwombea,” alisema Marando kwa utani huku akicheka.

Alisisitiza kuwa uamuzi wa mwisho ni wa Mahakama na kwamba mambo mengine yatafuata baada ya kusomwa kwa hukumu hiyo.

Kwa upande wake, Wakili wa Serikali, Shadrack Kimaro alisema katika makosa kama hayo yanayowakabili washtakiwa hao, ikiwa watapatikana na hatia adhabu yake inaweza kuwa kifungo kisichozidi miaka 15 jela.

Alisema kwa mujibu wa Kifungu cha 60 cha Sheria ya Uhujumu Uchumi, Kifungu kidogo cha pili, Mahakama inaweza kutoa amri nyingine ikiwamo mshtakiwa kulipa fidia.

Hukumu ya kesi hiyo leo inasubiriwa kwa shauku si tu na Profesa Mahalu na wenzake ambao wangependa kujua hatima yao, bali pia na umma wote wa Watanzania ambao umekuwa ukiifuatilia kwa muda wote.

Wakati wa utetezi, Rais wa Awamu ya Tatu, Benjamin Mkapa ambaye ununuzi wa jengo hilo ulifanyika wakati wa uongozi wake, alipanda kizimbani na kumtetea Profesa Mahalu na mwenzake, akidai kuwa mchakato wa ununuzi wa jengo hilo ulifuata sheria.

Mkapa katika ushahidi wake wa utetezi licha ya kudai kuwa mchakato huo ulifuata taratibu na kwamba ni yeye aliyebariki, pia alimmwagia sifa kedekede Profesa Mahalu akidai kuwa ni kiongozi mwadilifu na mwaminifu katika historia yake ya utumishi wa umma.

Akiongozwa na mmoja wa mawakili wanaomtetea Mahalu na mwenzake, Alex Mgongolwa, Mkapa alieleza mchakato wote wa ununuzi wa jengo hilo na malipo yake kwa kuwa lilinunuliwa kwa maagizo ya Serikali yake.

Wakati upande wa mashtaka ukidai kuwapo kwa uhujumu uchumi kutokana na kuwapo kwa mikataba miwili wakati wa ununuzi wa jengo hilo, Mkapa alidai kuwa aliifahamu mikataba yote hiyo na malipo kufanyika kupitia akaunti mbili tofauti.

Alieleza kushangazwa kwake kusikia kuwa aliyekuwa Katibu Mkuu Kiongozi wakati huo, Martin Lumbanga katika ushahidi wake alidai kuwa hakujua mchakato wa ununuzi wa jengo hilo, akisema hajui ni kwa nini Lumbanga alisema hivyo.

Mbali na Wizara ya Mambo ya Nje na Ushirikiano wa Kimataifa ambayo wakati wa ununuzi wa jengo hilo, Rais Jakaya Kikwete ndiye aliyekuwa waziri wake, Mkapa alisema wizara nyingine zilizohusika ni Ujenzi na ile ya Ardhi, Nyumba na Maendeleo ya Makazi.

Alidai kuwa wizara zote hizo zilituma wataalamu wake kwenda kufanya tathmini ya thamani ya jengo hilo kabla ya ununuzi wake. Alisema taarifa iliyotolewa na Waziri wa Mambo ya Nje wakati huo, Kikwete bungeni juu ya ununuzi wa jengo hilo ni sahihi.

Pamoja na mambo mengine, taarifa hiyo inaeleza kuwa jengo hilo lilinunuliwa kwa Sh.2.9 bilioni na kwamba hati za umiliki wake zilishawasilishwa wizarani na kupelekwa kwa Mdhibiti na Mkaguzi Mkuu wa Hesabu za Serikali (CAG).

“Maneno hayo ni sahihi. Hayo ndiyo ninayoyajua mimi,” alisema Mkapa na kuongeza kwamba hajawahi kupata malalamiko kutoka Italia kuhusu ukiukwaji wa sheria wakati wa mchakato wa ununuzi wa jengo hilo wala kwa mmiliki akidai kuwa alilipwa pungufu ya makubaliano.

Akijibu swali la Wakili Mgongolwa kama alishapata malalamiko yoyote kutoka kwa CAG kuhusu ununuzi wa jengo hilo, alijibu kuwa hajawahi kupokea malalamiko hayo.

Akijibu swali la Wakili wa Serikali, Ponsiano Lukosi kama aliwahi kuuliza ni kwa nini mwenye jengo alitaka alipwe kupitia mikataba miwili, Mkapa alijibu kuwa hakuuliza kwa kuwa alichokuwa anahitaji ni kupata jengo.

Akijibu swali kwamba kama lengo la mwenye jengo kutaka kulipwa kwa mikataba miwili lilikuwa ni kukwepa kodi ya Serikali ya nchi yake, Mkapa alijibu: “Hilo ni tatizo lake na nchi yake, mimi nilikuwa nataka nyumba na nimepata nyumba, nasema Alhamdulillah.”

Pia Mkapa alisema anamshangaa wakili wa Serikali kudai kuwa pesa hizo kulipwa kwa awamu mbili kunaonyesha kwamba Profesa Mahalu alikuwa na lengo za kuzichukua na kuzitumia kwa masilahi yake... “Mimi nitashangaa sana kusikia hivyo na hasa nitakushangaa wewe maana Profesa (Mahalu) mimi namwamini.”

Utetezi wa Profesa Mahalu

Katika utetezi wake, Profesa Mahalu alikana mashtaka hayo na kudai kuwa alipofika katika ubalozi huo alikuta ofisi hizo zikiwa na hali mbaya hali iliyosababisha kutoa fedha zake za mfukoni na kununua samani zenye hadhi ya ofisi ya ubalozi.

Alisema aliyekuwa Waziri wa Mambo ya Nje na Ushirikiano wa Kimataifa, Kikwete pia alifika katika ofisi za ubalozi huo na kushuhudia hali hiyo mbaya na kwamba aliunga mkono hoja yake kwamba ofisi hiyo ni mbovu na akashauri ipatikane ofisi yenye hadhi ya ubalozi.

Alisema mwanzoni mwa Juni, 2001 Katibu Mkuu wa Wizara hiyo alimpigia simu akimpongeza kwamba maombi ya wizara yao katika bajeti ya kutaka kila ofisi ya ubalozi inunue jengo lake itapitishwa na Bunge.

Alidai kuwa Katibu Mkuu alimtaka yeye na maofisa wengine wa ubalozi kuanza kutafuta majengo. Alisema baada ya hapo aliwaagiza maofisa wake kwenda kutafuta majengo ndani na nje ya Jiji la Rome kwa ajili ya kulinunua.

Martin katika utetezi wake alidai kuwa, Balozi Mahalu hakuisababishia Serikali hasara ya Euro 2 milioni, bali alileta faida kwa taifa kwa kuwa na jengo zuri na kwamba anahitaji kupewa shukrani.

Akiongozwa na Wakili Marando kujitetea dhidi ya tuhuma zinazomkabili, Grace alidai: “Mheshimiwa kwa ufahamu wangu, Balozi Mahalu mashtaka yote sita yanayomkabili hakuyatenda, aliwasilisha mikataba miwili kama taarifa iliyofanyika kihalali.”

Pia Martin alihoji sababu ya upande wa Jamhuri kutomleta mmiliki wa jengo hilo la ubalozi kukana risiti hiyo au Mkurugenzi wa Taasisi ya Kuzuia na Kupambana na Rushwa (Takukuru), Dk Edward Hosea kuulizwa juu ya ununuzi wa jengo hilo akidai walikwenda nchini humo kufanya uchunguzi.

Chanzo: Mwananchi.co.tz 

ATHALI ZA FAO LA KUJITOA KWA FAO LA UZEENI

Natumaini tunaweza kukubaliana kuwa sera yoyote hupimwa ufanisi wake kwa kuzingatia inatekelezwaje mkabala na mahitaji ya uanzishwaji wake.Hakuna sera isiyokuwa na lengo, lengo likitimia ndipo tunapoweza kubaini  kuwa sera imefaulu au imeshindwa. Dhana na lengo la mifuko ya hifadhi ya jamii ni kuwakinga wananchi (wafanyakazi wa umma, binafsi, walioajiliwa na waliojiajili) dhidi ya matukio yasiyo tarajiwa  maana ambayo ni bayana. Lakini tukumbuke kuwa, neno “jamii” katika sera hii linatuvuta kuangaliazaidi ya mteja wa mifuko ya hifadhi ya jamii, lakini pia watu na taasisi zinazowazunguka ambazo  kwa njia moja au nyingine huweza kuathiriwa na matendo ya mteja  wa mifuko ya hifadhi ya jamii, hii ndio maana mifuko mingi ya hifadhi ya jamii hutoa mafao kadhaa kwa ndugu wa karibu wa mteja kama watoto na warithi wengine wa mteja huyu. Je, wajua kuwa tasisi za kifedha hutoa mikopo kwa wafanyakazi kwa kutegemea mifuko ya hifadhi ya jamii ikiwa mteja atapatwa na janga lolote lenye uwezo wa kumfanya  ashindwe kulipa deni lake kwa kukatizwa kipato chake au kifo?

Ni muhimu kutambua kuwa, mifuko ya hifadhi ya jamii ina jukumu kubwa la kumlinda mteja na waanga wake dhidi ya matukio yanayoweza kusababisha umaskini  kwa sababu ya uzee au kutojiweza . Kuna mifuko ya hifadhi ya jamii tofauti kulingana na uhitaji wa mteja au aina ya ajira ya mchangiaji (mteja), ikimaanisha kuwa kuna mifuko ya wafanyakazi wa umma, binafsi, hata wale waliojiajili pia wanaweza kujiunga na  mifuko ya hifadhi ya jamii kwa mfano: LAPF (Mfuko wa hifadhi wa wafanyakazi wa serikali za mitaa) umetoa fursa kwa watu wa kada mbalimbali kujiunga na mfuko huo kwa kuchagua kiasi wanachoweza kumudu kuchangia. Ifahamike kuwa hifadhi ya jamii ni haki ya kila mtu kwa mujibu wa matamko mbalimbali ya ulimwengu ikiwemo katiba yetu ya Jamhuri ya Muungano wa Tanzania ya mwaka 1977,(kama ilivyofanyiwa marekebisho mara kwa mara), hii ni kwa wote, wawe wameajiliwa au wamejiajili, tuzingatie kuwa kujiajili si suluhisho la uzee, vilema au aina nyingine za kutojiweza. Changamoto pekee kwa watu waliojiajili ni uhakika wa uchangiaji kwenye mifuko ya hifadhi ya jamii kiasi husika kwa mda muafaka, lakini pia ukosefu wa elimu ya kutosha  juu ya hifadhi ya jamii, maana yake, umuhimu wake na jinsi inavyofanya kazi, jambo ambalo huibua hisia na mitizamo tofauti juu ya huduma zinazotolewa na mifuko ya hifadhi ya jamii.

Fao la kujitoa (withdrawal pension), ni malipo ambayo hufanywa na mfuko husika kwa mtu ambaye awali alikua mteja wa mfuko huo na baadae kujitoa kwa sababu ya kuacha kazi, kubadili kazi au muajili.

Zifuatazo ni athari za fao la kujitoa

1.      Kupunguza au kufuta kabisa fao la uzeeni

Ni dhahili kuwa mtu nanapolipwa fao la kujitoa au fao jingine lolote lile, rekodi hutunzwa na hufanyiwa makato wakati wa majumuisho ya fao la uzeeni. Hivyo mtu aliyepewa fao la kujitoa hawezi kupata fao la uzeeni. Pia kwa mtu ambaye amepatiwa huduma yoyote ile na mfuko wa hifadhi ya jamii kabla ya kustaafu hupata mafao tofauti na Yule ambaye hajapata huduma yoyote ile. Lakini hii haiwezi kubadili jukumu la mifuko ya hifadhi ya jamii kutoa huduma kwa mtu mwenye uhitaji kwa mujibu wa taratibu na kanuni za mfuko husika.

2.      Kupata fao finyu kwa mteja anayejitoa

Mteja anayejitoa kwenye mfuko wa hifadhi ya jamii mda mfupi mara baada ya kujiunga hupata fao finyu sana kwa sababu pesa yake inakuwa haijazalisha sana kama ilivyotarajiwa na mfuko husika. Hii ni kwa sababu kiwango cha pesa huongezeka kulingana na mda ambao pesa zimekaa kwenye mfuko husika. Mfano: Kiasi cha pesa ambacho kimetolewa baada ya mda wa miaka 5 hadi 10 ni tofauti sana na kiwango ambacho kimetolewa baada ya mda wa miaka 25 hadi 30.

3.      Kukosa kabisa matunzo ya uzeeni ya mwezi hadi mwezi

Ikumbukwe kuwa mteja aliyejitoa hukosa kabisa matunzo ya uzeeni ambayo hufuatia fao la kustaafu (kiinua mgongo), hii huturejesha kwenye matatizo ya umaskini usababishwao na uzee, maradhi au hali nyingine ya kutojiweza kama maradhi na mengineyo, jambo ambalo sera ya hifadhi ya jamii imedhamilia kulipunguza au kuliondoa kabisa.

4.      Kuathiri  malengo ya mfuko husika

Michango itolewayo na mifuko ya hifadhi ya jamii huwekezwa katika miradi mabalimbali ambayo huweka riba kwenye hela ya  mteja. Hivyo kujitoa kwa mteja mara tu baada ya kujiunga usababisha mfuko husika kukaa na hela mteja huyu mda mfupi kabla ya kuzalisha ipasavyo hivyo huathiri miradi ya mifuko husika iwapo wateja wengi zaidi watajitoa,hii uathiri zaidi hasa miradi ya mda mrefu kama majengo na miradi mingineyo ambayo uzalishaji wake ni wa mda mrefu.    

Ni muhimu kutambua kuwa kujitoa kwa kada fulani ya wafanyakazi, hasa wale wenye ajira za mikataba kwenye mifuko ya hifadhi ya jamii ni sawa na kumaanisha kuwa maana halisi ya mifuko ya hifadhi ya jamii haiwajumuishi kitu ambacho ni kinyume na uhalisia. Naamini hakuna anayepanga na Mungu, tujue kuna kupanga kuishi sana na ukaishi kidogo na kujua utaishi kidogo ukaishi kupita kiasi. Suala hapa ni kwamba ukijaliwa kupita hatua moja utamuduje hatua nyingine na ukishindwa , wale wanaokutegemea watabaki katika hali gani.

Kipi tunatakiwa kufanya.

Tukubaliane kuwa sisi wote tunapenda kufaidi matunda ya jasho letu tukiwa pamoja na ndugu, jamaa na marafiki zetu, japokuwa hakuna anayejua kesho, kwa maana tungejua tungeweka bajeti kufikia pale tutakapokoma kuishi. Yafuatayo ni muhimu ili kuhakikisha ufanisi wa mifuko yetu ya hifadhi ya jamii.

1.      Kuhamishika kwa mafao kutoka mfuko hadi mfuko.

Watafiti wengi pamoja na ripoti zinaonyesha kuwa kuna tatizo la uhamishikaji wa mafao kutoka mfuko hadi mfuko. Hii ni muhimu pale mtu anapobadilisha ajira, kazi au muajiri ikiwa ni pamoja na kujiajiri: kwamba, kama ajira au muajiri fulani alifanya muajiliwa kuchangia katika mfuko wa PPF na baada ya kubadili kazi anatakiwa kuchangia katika mfuko wa LAPF, basi kuwepo na uwezekano kuhamisha mafao ya mteja kutoka mfuko wa awali kuja mfuko mpya zikiambatana na taarifa zote za marejesho ya mchangiaji ili imuwezeshe kuendelea kuchangia kwa ajili ya manufaa yake ya baadae ya uzeeni pindi atakapopoteza nguvu za kufanya kazi kuliko kukimbilia kujitoa  jambo ambalo ni tofauti na Lengo kuu la mifuko ya hifadhi ya jamii.

2.      Mamlaka ya udhibiti wa mifuko ya hifadhi ya jamii iweke taratibu mahususi ya kusimamia mifuko ya hifadhi ya jamii kuhakikisha kuwa huduma tajwa zinapatikana kwa wateja bila usumbufu wa aina yoyote ile na kwa muda muafaka. Hii itaongeza imani na kupunguza malalamiko dhidi ya mifuko ya hifadhi ya jamii.

3.      Pesa zinazotolewa na mifuko ya hifadhi ya jamii kwa taasisi mbalimbali za serikali na za binafsi zifuate taratibu na kanuni za mikopo na zirejeshwe kwa riba  ndani ya muda muafaka bila kuathiri hali ya kifedha ya mifuko ya hifadhi ya jamii.

4.      Mifuko ya hifadhi ya jamii ianzishe miradi yenye kunufaisha wateja wake, kama vile kujenga nyumba na kuwauzia wateja wake kwa bei nafuu kwa mfumo wa mikopo yenye masharti nafuu na miradi mingine kama hiyo.

5.      Pawepo na utaratibu wa kutoa mafao kwa wateja kwa hawamu mbili, yaani kwa umri wa kati wa kustaafu (kwa hiari au lazima) tangu mteja alipoanza kuchangia katika mfuko husika na pindi anapotimiza umri wa kustaafu(kwa hiari au kwa lazima)

6.      Pawepo na taratibu rahisi na za kueleweka  za kupata mafao, ili kumwezesha mteja kupata huduma husika kwa urahisi pindi awapo na uhitaji na anapostahili kupata mafao ya uzeeni.

7.      Lakini pia Huduma za mifuko ya hifadhi ya jamii ziboreshwe zaidi ili kuvutia wateja wake kwa kutoa huduma bora.

Kwa kumalizia naomba kila mmoja atambue wajibbu wake kuanzia kwa muajiliwa, muajiri kwa kuchangia kwa wakati kiasi tajwa kwenye mifuko husika. Lakini pia mifuko ya hifadhi ya jamii itoe huduma stahiki kwa wateja wake pindi wanapokuwa na uhitaji huku wakitambua kuwa hiyo ni nguvu yao, ni hela yao na ni haki yao, Mamlaka zenye dhamana ya kudhibiti mifuko ya hifahi ya jamii zikiwemo za kutunga sheria, zitunge sheria na kuandaa sera inayonufaisha mteja na si kundi fulani la watu au wanasisa,  hii italeta ufanisi katika sekita hii ya hifadhi ya jamii na itaondoa manung’uniko kwa walaji.    

Ninapenda pia kutoa ushauri wangu wa dhati kwa wale wanaofanya kazi kwa mikataba, kuwa pindi wasitishapo mikataba yao wasikimbilie kujitoa kwenye mifuko ya hifadhi ya jamii, ila watafute jinsi ya kuendelea kuchangia ikiwa ni pamoja na kuhama mifuko kwenda kwenye ile mifuko inayohusika na aina ya kazi au waajili walionao , kwani ni muhimu kwa ajili ya maisha yao ya baadae. Tukumbuke kuwa hifadhi ya jamii ni zaidi ya pensheni. Ukweli ni kwamba hata aliyejiajiri anahitaji na anastahili hifadhi kutoka kwa jamii. Ni muhimu kutambua kuwa hela inakuwa salama zaidi inapokuwa kwenye mifuko ya hifadhi ya jamii, kinachohitajika ni kuhakikisha kunakuwepo na usimamizi thabiti wa mifuko hiyo ili kuwepo na ufanisi. “mifuko ya hifadhi ya jamii kwa manufaa yetu, tuisimamie kwa kwa ajili ya maisha yetu ya baadae”

Makala hii imejumuisha mawazo ya wale wote waliochangia kwenye hoja ya haja juu ya dhana ya mifuko ya hifadhi ya jamii, niliyoiweka kwenye blog hii tarehe 31.07.2012. Asante kwa mawazo ya kujenga na kwa paomoja tuijenge Tanzania yetu.

Kwa  maoni na maswali zaidi, wasiliana na:

 Davis Muzahula,

Mwanafunzi wa shahada ya kwanza ya sheria (mwaka wa nne),

Chuo Kikuu Cha Mtakatifu Augustino cha Tanzania

Simu: +255756829416

Barua pepe: davismuzahula@yahoo.com