HULU WAIPIGA JEKI ZAHANATI YA MWINGIRO GEITA

Maafisa wa kitengo cha Mahusiano ya Jamii katikamgodi wa Dhahabu wa Bulyanhulu, William Chungu (kulia) na Zuwena Senkondo (kushoto) wakikabidhi vifaa vinavyotumika wakati wakujifungulia kwa zahanati ya Mwingiro Wilayani Nyang’wale Mkoani Geita .

Zuwena Senkondo wkikabidhi vifaa vya kujifungulia kwa mmoja wa wauguzi katika zahanati ya Mwingiro Wilayani Nyang’wale Mkoani Geita

Kiongozi wa kitengo cha Mahusiano ya Jamii Mgodi wa Dhahabu wa Bulyanhulu Sara Ezra Teri akikabidhi Video Camera ya kisas kwa Mwenyekiti wa kikundi cha Vijana Thoams Mshilu kwa ajili ya kurekodia tamthiliya zao. 

Na Dixon Busagaga wa Globu ya jamii Kanda ya Kaskazini,aliyekuwa mkoani Geita.

Mgodi wa Dhahabu wa Bulyanhulu umekabidhi seti nane za vifaa vya kutolea huduma kwa akina mama wajawazito wanapojifungua, katika halmashauri ya wilaya ya Nyang’wale Mkoani Geita vyenye thamani ya shilingi Milioni Tatu.

Akipokea vifaa hivyo Mratibu wa Huduma ya Baba, Mama na Mtoto wa Halmashauri ya Nyang’wale Mkoani Geita Bi Neema Mhoja amesema, “Tunaushukuru Mgodi wa Dhahabu wa Bulyanhulu kwa kutupatia vifaa hivi muhimu kwa ajili ya kuokoa maisha ya mama na mtoto kwani awali upungufu wa vifaa hivyo umesababisha Wauguzi Wakunga katika zahanati wilayani humo kutoa huduma katika mazingira magumu.”

Naye Meneja wa Mahusiano ya Jamii wa Mgodi wa Bulyanhulu Bwana Elias Kasitila amesema, afya za akina mama ni nguzo ya msingi wa maendeleo katika jamii hivyo Mgodi kwa kutumia utaratibu wa kusikiliza kero za wananchi mwaka huu ulipata maombi ya vifaa hivyo kutoka kwa wananchi wa vijiji vya Iyenze na Mwasabuka katika kata ya Mwingiro wilaya ya Nyang’wale mkoani Geita na umeitikia ombi kwa kukabidhi vifaa hivyo kwa mratibu wa huduma za akina mama na watoto wa wilaya ya Nyang’wale.

Wauguzi katika zahanati ya kata Mwingiro wamekabidhiwa vifaa hivyo ili waweze kuvitumia na kuvitunza kwa ajili ya matumizi kwenye zahanati hiyo inayohudumia wakazi wapatao 12,000 wa kata ya Mwingiro.

Muuguzi Mkunga wa zahanati ya Mwingiro bwa Costantine Matata Bahebe, na Pendo Ntabudyo, na Elizabeth Lameck amesema, “ Sasa itakuwa rah asana ukipata mzazi maana vifaa vinatosha kwani kwa mwezi tunazalisha akina mama kati ya 20 na 25 hivyo kwa vifaa hivi tufanya kazi katika mazingira ya usafi, usalama na utulivu hata pale tutakapopata wazazi nane kwani kila mmoja atakuwa na kifaa chake kuliko kumsubirisha mzazi wakati unapochemsha vifaa baada ya kuvitumia.

Naye Afisa Mahusiano ya Jamii wa Mgodi wa dhahabu wa Bulyanhulu Zuwena Senkondo amewaasa wakunga katika zahanati ya Mwingiro kutumia na kuvitunza vifaa hiyo vyenye thamani ya shilingi Milioni Tatu.

SERIKALI KUNYANG’ANYA VITALU VYA MADINI VILIVYOHODHIWA.

Mmiliki wa kiwanda cha uongezaji thamani madini ya jasi kilichopo mkoani Singida, Emmanuel Shilla akimuonesha Naibu Waziri wa Nishati na Madini, Dkt. Medard Kalemani (wa kwanza kushoto) moja ya bidhaa za urembo wa ndani ya nyumba unaotengenezwa kutokana na madini ya jasi yanayopatikana mkoani Singida.

Naibu Waziri wa Nishati na Madini, Dkt. Medard Kalemani (wa kwanza kushoto) akitazama jinsi madini ya jasi yanavyotumika kutengeneza vitu mbalimbali ikiwemo urembo wa ndani ya nyumba mara baada ya kutembelea kiwanda cha uongezaji thamani madini ya jasi cha Singida Cornice.Aliyevaa shati jeupe ni mmiliki wa kiwanda, Emmanuel Shilla.

Naibu Waziri wa Nishati na Madini, Dkt. Medard Kalemani (kushoto) akiangalia jinsi mtambo wa bayogesi ulivyomwezesha mmiliki wa mtambo huo, Habiba Sengasu (kulia) kupata faida mbalimbali ikiwemo nishati ya kupikia. Naibu Waziri aliutembelea mtambo huo akiwa katika ziara ya kukagua miradi ya Nishati na Madini mkoani Singida.

Mafundi wakiendelea na ujenzi wa kituo cha kupoozea umeme kilichopo mkoani Singida ambacho kinatarajiwa kuanza kazi mwezi Juni mwaka huu. Ujenzi wa kituo hicho ni sehemu ya utekelezaji mradi wa ujenzi wa miundombinu ya usafirishaji umeme wa kilovolti 400 kutoka Iringa hadi Shinyanga unaotarajiwa kukamilika mwezi Aprili mwaka huu. Kituo kinajengwa na kampuni ya GSE&C na Hyosung kutoka Korea.

Naibu Waziri wa Nishati na Madini, Dkt. Medard Kalemani (kulia) akizungumza na wachimbaji wa madini ya jasi mkoani Singida wakati alipofika wilayani Manyoni mkoani Singida ili kukagua shughuli za uchimbaji wa madini hayo na kuzungumza na wachimbaji wadogo.Wa kwanza kushoto ni Yusuph Kibira na katikati ni Ismail Ivata

Naibu Waziri wa Nishati na Madini, Dkt. Medard Kalemani (wa pili kushoto) akiangalia moja ya mitambo ya bayogesi inayomilikiwa na Habiba Sengasu (wa kwanza kushoto) mkoani Singida. Naibu Waziri aliutembelea mtambo huo akiwa katika ziara ya kukagua miradi ya Nishati na Madini mkoani Singida.

Na Teresia Mhagama, Singida 

Serikali imesema kuwa itanyang’anya vitalu vya madini visivyoendelezwa na kuwapatia wachimbaji wadogo nchini ili waviendeleze. 

Hayo yameelezwa na Naibu Waziri wa Nishati na Madini, Dkt. Medard Kalemani wakati akizungumza na Mkuu wa wilaya ya Manyoni Fatma Toufiq kabla ya kukagua miradi ya uchimbaji madini pamoja miradi ya umeme wilayani humo.

“Tutachukua maeneo yasiyoendelezwa na kuwagawia wachimbaji wadogo kama sheria ya madini ya mwaka 2010 inavyoelekeza hivyo Kamismhna Msaidizi wa Madini Kanda hii ya kati hakikisha hilo linatekelezwa,’’ alisema Dkt. Kalemani.

Naibu Waziri alitoa agizo hilo baada ya Mkuu wa Wilaya ya Manyoni, Fatma Toufiq kumueleza changamoto mbalimbali wanazokumbana nazo wachimbaji wadogo katika wilaya hiyo ikiwemo utumiaji wa zana duni za uchimbaji madini pamoja na ukosefu wa maeneo ya uchimbaji madini kutokana na watu wengi kuhodhi maeneo hayo kwa muda mrefu bila kuyafanyia kazi.

Aidha, Mkuu wa wilaya alimueleza Naibu Waziri kuwa licha ya changamoto za wachimbaji wadogo, wilaya hiyo pia inakabiliwa na changamoto ya umeme kukatika mara kwa mara jambo ambalo linaathiri shughuli za kiuchumi za wananchi katika wilaya hiyo.

Akifafanua suala hilo Naibu Waziri alimueleza kuwa umeme katika wilaya hiyo na mikoa ya Iringa, Singida, Dodoma na Kanda ya Ziwa utatengemaa mara baada ya ujenzi wa njia kuu ya umeme wa msongo wa kilovolti 400 kutoka Iringa hadi Shinyanga kukamilika mwezi Juni mwaka huu kwani mitambo hiyo itasafirisha umeme kwa kiwango kikubwa tofauti na miundombinu ya sasa ambayo inasafirisha umeme kwa msongo kilovolti 220.

Hata hivyo Naibu Waziri aliwataka watendaji wa Tanesco katika wilaya hiyo kuhakikisha kwamba umeme haukatiki kwa sababu ya uzembe wa kibinadamu kufanya au kutokufanya kitu fulani bali utokane na majanga ya kiasili ambayo hayazuiliki.

“ Watendaji wa Tanesco nileteeni taarifa kwa nini umeme unakatika mara kwa mara katika wilaya hii na kama ni uzembe wa mtu basi naye akatike hapohapo,” alisisitiza Dkt. Kalemani.

Wakati huohuo Naibu Waziri ameitaka kampuni ya spencon iliyopewa tenda ya kusambaza umeme katika vijiji 90 mkoani Singida kukamilisha kazi hiyo ifikapo mwezi Mei mwaka huu.

Naibu Waziri alitoa agizo hilo baada ya kampuni hiyo kusuasua katika kusambaza umeme vijiini kwani kazi ya kusambaza umeme katika vijiji hivyo ilipaswa kukamilika mwezi wa 11 mwaka jana lakini hadi sasa wamesambaza umeme katika vijiji 17 tu.

“Mradi huu unahusisha kilomita 188 lakini mpaka sasa nguzo zimefikia kilomita 48 tu, asipokamilisha kazi hii kwa muda huu tuliompa tutataifisha mali zake, na watendaji wa Tanesco mniletee taarifa ya kina sababu za mradi huu kuchelewa na hatua mlizochukua,” alisema Dkt. Kalemani.

SIMU TV: HABARI KUTOKA VITUO VYA TELEVISHENI

Rais wa Zanzibar Dkt. Ali Mohamed Shein amewataka watendaji wa serikali kuwajibika vilivyo ili kuendana na kasi ya maendeleo;https://youtu.be/BPXgVvqU5bA  

Mbunge wa jimbo la Kinondoni Mhe. Maulid Mtulya awasilisha pingamizi mahakamani kuhusu zoezi la bomoabomoa katika jimbo la Kinondoni jijini Dar es Salaam; https://youtu.be/w-UYdCc6CeM  

Wataalam wa sekta ya ardhi mkoani Mbeya wametakiwa kuwa makini katika upimaji wa ardhi mkoani humo ili kuepuka migogoro isiyo ya lazima;https://youtu.be/H8yFCEdLzPU  

Uongozi wa halmashauri ya Busekelo mkoani Mbeya umewataka  wawekezaji wa kitazania na wale wa kutoka nje ya nchi kwenda kuwekeza katika halmashauri hiyo https://youtu.be/nTj8amcq8o4   

Bondia Francis Cheka wa Tanzania anatarajia kupanda ulingoni kuzichapa na bondia kutoka Uingereza katika kuwania ubingwa wa mabara;https://youtu.be/oL2uMjNHGIw   

Kocha wa klabu ya Liverpool Jurgen Kloop apandisha hasira kufuatia klabu yake kupoteza mchezo wake dhidi ya West Ham United kwa kipigo cha jumla ya magoli 2 kwa bila; https://youtu.be/FC96Gs6XJYM  

Zaidi ya kaya 150 mkoani Mtwara hazina mahala pakuishi huku watu 7 wakijeruhiwa kutokana na mvua kubwa iliyonyesha mkoani humo;https://youtu.be/e5iQcFs7sBw  

Shirika la Reli TRL limepewa siku tatu kukamilisha ukarabati wa miundombinu ya Reli katika eneo la Magulu mkoani Morogoro;https://youtu.be/laGLFIUzXDM  

Inaripotiwa kuwa wananchi wa wilaya ya Tunduma wako hatarini kupatwa na magonjwa ya mlipuko kutokana na taka kujaa karibu na makazi yao;https://youtu.be/_4mkRGQV9DQ

  

Mwenyekiti wa jumuiya ya wazazi CCM, Abdallah Bulembo amewataka wananchi kuunga mkono juhudi zinazofanywa na serikali ya awamu ya tano;https://youtu.be/O7m4LkUwGa4  

Baadhi ya wakazi wa mtaa wa Mgombani Segerea jijini Dar es Salaam wamelalamikia kung’olewa kwa vibao elekezi vya mitaa;https://youtu.be/ATex1XZPqJ4   

Timu ya Yanga imeanza vyema michuano ya kombe la mapinduzi kwa kuitandika timu ya Mafunzo kwa jumla ya magoli 3 kwa 0;https://youtu.be/NasDHROivb0  

Rais wa serikali ya mapinduzi ya Zanzibar Dr.Shein azindua maadhimisho ya Mapinduzi ya Zanzibar kwa kushiriki zoezi la usafi.https://youtu.be/SzZDQyLGn0E  

Mvua kubwa zinazoendelea kunyesha mkoani Mtwara zaendelea kuleta maafa makubwa baada ya kujeruhi na kubomoa nyumba wilayani Tandahimba.https://youtu.be/P6dHcEnqgL8  

Zikiwa zimebaki siku 3 kabla ya kurejewa kwa zoezi la bomoa bomoa lililositishwa hapo awali jijini Dar es salaam, taharuki yaendelea kuwakumba wananchi ambao nyumba zao zimewekewa X. https://youtu.be/6ERCEsFBW44  

Kasi ndogo ya ujenzi wa Stendi kuu ya Mabasi Songea mkoani Ruvuma yawapa wasiwasi wafanyabiashara waliohamishwa kwa muda kupisha ujenzi huo baada ya kudai kwamba mali zao ziko hatarini kuuzwa na taasisi za fedha kutokana na mikopo waliyochukua. https://youtu.be/ohc-AzPDQ5w  

Mpango wa serikali wa kunusuru kaya maskini umeanza kubadili fikra za baadhi ya wananchi mkoani mkoani Simiyu baada ya kutumia fedha hizo kufanya maendeleo. https://youtu.be/mRR_wZfjiqU  

AZAM TV: Waziri mkuu Mhe.Kassim Majaliwa aanza ziara yake ya kikazi mkoani Ruvuma na kusomewa taarifa ya mendeleo ya mkoa huo.http://simu.tv/3ERcvoC  

Mbunge wa Kinondoni aishauri serikali kusitisha zoezi la bomoa bomoa na badala yake kuitaka serikali kuwajibika kwa kuwatafutia wananchi hao makazi mbadala. https://youtu.be/_SPgP4kKEtc  

Baadhi ya wataalamu wa sekta ya kilimo waiomba serikali kuipatia kipaumbele sekta hiyo kwa kutoa ajira kwa wingi kwa wataalamu wa kada hiyo kitu kitakachosaidia kuwajengea uwezo wakulima na hatimaye kuondokana na umasikini. https://youtu.be/i5FnAXypAcw   

Waathirika wa dawa za kulevya mkoani Tanga waiomba serikali kuchangia kuwapa huduma muhimu katika vituo wanavyohifadhiwa ili waondokane na matumizi ya dawa za kulevya. https://youtu.be/wTPgMQ2MCSs  

Viongozi wa dini ya Kiislamu mkoani Iringa watakiwa kuhubiri nidhamu kwa waumini wao ili kuepukana na matendo yanayokindhana na maadili.https://youtu.be/VPklfVDkWoo  

Ukatili dhidi ya watoto mkoani Geita wazidi kushamiri baada ya matukio 4 kutokea ndani ya juma moja huku polisi ikibainisha kifo kutokana na matukio hayo. https://youtu.be/sPDQavgY4T4  

Serikali mkoani Njombe yazindua mfuko wa afya ya jamii CHF kwa watoto yatima waishio kwenye mazingira magumu na hatarishi.https://youtu.be/cP4bZCqcTQ0

Dkt. Shein afanya Uzinduzi wa Sherehe za Mapinduzi kwa Usafi wa Mazingira Kitaifa

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kulia) akifanya mahojiano na waandishi wa Habari leo baada ya kumalizika zoezi la Usafi wa mazingira uliofanyika leo eneo la Soko la Mbogamboga Mombasa Mjini Zanzibar ikiwa ni Uzinduzi wa Sherehe za miaka 52 ya Mapinduzi Matukufu ya Zanzibar.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) akizungumzaa na wananchi baada ya kumalizika kwa zoezi la Usafi wa mazingira uliofanyika leo eneo la Soko la Mbogamboga Mombasa Mjini Zanzibar ikiwa ni Uzinduzi wa Sherehe za miaka 52 ya Mapinduzi Matukufu ya Zanzibar.

Baahi ya Askari wa Jeshi la Wananchi wa Tanzania JWTZ wakitandaza kifusi kwa kukiweka sawa katika zoezi la Usafi wa mazingira uliofanyika leo eneo la Soko la Mbogamboga Mombasa Mjini Zanzibar ikiwa ni Uzinduzi wa Sherehe za miaka 52 ya Mapinduzi Matukufu ya Zanzibar.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kushoto) akizoa taka katika zoezi la Usafi wa mazingira uliofanyika leo eneo la Soko la Mbogamboga Mombasa Mjini Zanzibar ikiwa ni Uzinduzi wa Sherehe za miaka 52 ya Mapinduzi Matukufu ya Zanzibar.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) akibeba taka katika zoezi la Usafi wa mazingira uliofanyika leo eneo la Soko la Mbogamboga Mombasa Mjini Zanzibar ikiwa ni Uzinduzi wa Sherehe za miaka 52 ya Mapinduzi Matukufu ya Zanzibar.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kushoto) akiteta akiteta jambo na Mkuu wa Wilaya ya Magharibi B.Unguja Ayoub Maohammed Mahmoud wakati zoezi la Usafi wa mazingira uliofanyika leo eneo la Soko la Mbogamboga Mombasa Mjini Zanzibar ikiwa ni Uzinduzi wa Sherehe za miaka 52 ya Mapinduzi Matukufu ya Zanzibar.Picha na Ikulu.

WADAU JESSE NA FAITH WAMEREMETA JIJINI DAR ES SALAAM LEO