SPORTS XTRA DAY YAFANA JIJINI ARUSHA

 

Zenith Media Yatwaa Kombe la Sports Extra Day Bonanza kwa Jiji la Arusha.

Timu ya Banana investiments ikisali kabla ya kuanza kwa mchezo.

Huyu nae alikuwa aki #BRAZUCA katika mchezo wa Sports Xtra Day Jijini Arusha.

Mbwiga wa Mbwiguke the Captain wa Sports Xtra akiwapanga vijana wake.

Huyu kijana nae alipata wasaa wa kuongea na Shaffih Dauda kuwa ana kipaji cha utangazaji wa mpira ,sasa atafikaje hapo yeye (Shaffih) alipo?

Super Striker Shaffih Dauda wa Sports Xtra akichomoka na mpira katika bonanza la Sports Xtra Day ndani ya Sheikh Amri Abeid ,Jijini Arusha.

Captaiiiiiiiiin wa Sports Xtra Mbwiga Mbwiguke akielekea mapumziko na wenzake, pamoja na kucheza pia alitoa burudani sana kwa mashabiki na watazamaji wa Sports Xtra Day Bonanza.

Hapa ni timu ya Mega Trade investments (K-Vant) wakicheza na Kitambi Noma.

Muonekano mzuri wa uwanja wa kumbu kumbu ya Sheikh Amri Abeid na mlima Meru.

Wadhamini wa Sports Xtra Day ni Clouds Media Group, Mega Trade Investments (K -Vant), Banana Investments, SBC Company Limited (Pepsi) ,Zenith Media na Wazalendo 25 Blog.

Timu ya Zenith Media wakipanga mashambulizi yao

Mshindi wa pili ni Timu ya Makocha wa Arusha wakitoka na Kombe lao.

Mkurugenzi wa mauzo na Masoko wa MegaTrade Investments (K -Vant) Bw. Good Luck Kway akiongea machache, pamoja na kuipongeza Clouds Media Group na kuitaka waongeze makampuni mengine na mashindano yawe ya siku tatu au hata wiki nzima.

Mwakilishi toka Banana Investments akizungumza machache kuhusu shindano la Sports Xtra Day

Mwakilishi wa Zenith Media akiwashukuru waandaji wa Sports Xtra Day na kufurahia kwa Ushindi walioupata.

Cameraman toka Clouds Media Group Ezra Kaaya akifanya yake katika Sports Xtra Day ,jijini Arusha.

Shaffih Dauda akipata picha na Shabiki wa Kitambi Noma

Wazee wa Kitambiiiiiii Noooma.....wakifurahia kwa ushindi wa Raundi ya kwanza

Mbwiga wa Mbwiguke the Captain akipata Picha na Mashabiki wa Kitambi Noma, Kulia mwenye Box ya huduma ya kwanza ni Jimmy Chocolate 'Mukate'

Mchezaji wa zamani wa AFC na Zingine Muhidin Cheupe akisalimiana na Mbwiga Mbwiguke

Mbwiga wa Mbwiguke na shabiki wa Kitambi Noma

Mchezaji Bora ni Abuu Juma wa Timu ya Makocha wa Arusha na anaichezea mtibwa ya Morogoro akipata chupa moja ya K- Vant toka Mega Trade Investment

Na Gadiola Emanuel wa Wazalendo 25 Blog - Arusha

Timu ya Zenith Media imeibuka mshindi wa Sports Extra Day Bonanza kwa kuifunga timu ya Makocha wa Arusha kwa njia ya penati baada ya kutoka sare bila ya kufungana, iliyofanyika katika uwanja wa kumbukumbu ya Sheikh Amri Abeid jijini Arusha.

Michuano hiyo ilishirikisha timu nane na kupelekea timu ya Sports Extra kutolewa kwa hatua ya mtoano, huku nahodha wake Mbwiga Mbwiguke akishindwa kuendesha timu vema ila kuambulia kuleta burudani kwa mashabiki katika mchezo huo.

Sports extra Day Bonanza ilishirikisha makampuni tofauti tofauti ya hapa jijini Arusha. Timu hizo ni clouds sports extra , Kitambi noma, Aqua Kings ,na SBC Company inayotengeneza kinywaji cha Pepsi.

Pia zilikuwepo timu ya Zenith Media, Timu ya Makocha wa Arusha, Banana na Mega trade investment (K vant) , ambapo zilicheza kwa hatua ya mtoano, kwa hatua ya kwanza timu ya makocha ilicheza na Aqua kings  na timu ya maocha kuibuka na goli 1 -0 , kitambi noma na Pepsi na timu ya pepsi kuibuka na ushindi wa bao 1- 0, clouds fm na zenith media ambapo zilitoka suluhu bila kufungana, na  Mega Trade Investiments (K-Vant) na Banana pia zilitoka suluhu bila kufungana .

Hatua ya pili ilicheza kitambi noma na K-vant  ambapo kitambi noma iliibuka na goli 1- 0 dhidi ya Mega trade investiment, zenith media ilicheza na timu ya makocha ambapo walitoka 1-1. pia clouds fm ikacheza na Aqua zilitoka suluhu bila kufungana huku pepsi ikiifunga timu ya Banana Investiment.

Timu nne zilizoingia nusu fainali ni timu ya Makocha wa Arusha na kitambi noma ambapo kitambi noma ilibamizwa 2 -0 , huku Zenith Media ikiibamiza timu ya Pepsi kwa goli 1-0 na kutinga fainali. Timu ya Arusha na Zenith Media ziliiingia Fainali.

Mwakilishi wa TFF kwa mkoa wa Arusha Bw. Omari Wali aliwapongeza Clouds Media Group kwa kuanzisha mashindano hayo ila ikawaasa washirikishe makampuni mengine yalipo hapa Arusha. Picha zote na Gadiola Emanuel wa Wazalendo 25 Blog

TASWIRA MBALIMBALI YA ZIWA VICTORIA NA HIFADHI YA TAIFA YA KISIWA CHA SAANANE MWANZA

Mandhari za kuvutia ukiwa katika kilele cha kilima kilichopo katika Hifadhi ya Saaanane.

Ukiwa katika Kisiwa cha Saaanane mji wa Mwanza unautazama hivi.

Mji wa Mwanza ukionekana kwa mbali ukiwa Ziwani.

Mawe Makubwa yaliyoko katika Hifadhi ya Kisiwa cha Saanane .

Ndege wakiota Jua katikati ya Ziwa Victoria.

Barabara ndani ya Hifadhi ya Taifa ya Kisiwa cha Saanane.

Mawe ya kuvutia.

Mti ukiwa umejishikiza katika Mwamba mkubwa.

Miti ikiwa imefungamana katika Jiwe kubwa na kutengeneza kama mizizi mikubwa iliyoota kwenye Mwamba.

Na Dixon Busagaga wa Globu ya

Jamii aliyekuwa jijini Mwanza.

Wafanyakazi wa Airtel watoa msaada hospitali ya Ocean Road

Mwenyekiti wa kikundi cha wanawake wafanyakazi wa Airtel Tanzania ‘Airtel Diva’, Amitin Mbamba (kulia), akikabidhi msaada wa machela za kisasa mbili, ‘wheel chair’ mbili na bidhaa mbalimbali vyenye thamani ya zaidi ya milioni 5/-, kwa Muuguzi Mkuu wa Taasisi ya Saratani ya Ocean Road (ORCI), Mary Haule, kwaajili ya matumizi ya wagongwa katika taasisi hiyo, jijini Dar es Salaam mwishoni mwa wiki. Wanaoshuhudia ni wanachama wa Airtel Diva.

Mwenyekiti wa kikundi cha wanawake wafanyakazi wa Airtel Tanzania ‘Airtel Diva’, Amitin Mbamba (kulia), akikabidhi msaada wa moja kati ya ‘wheel chair’ mbili, machela za kisasa mbili na bidhaa mbalimbali vyenye thamani ya zaidi ya milioni 5/-, kwa Muuguzi Mkuu wa Taasisi ya Saratani ya Ocean Road (ORCI), Mary Haule, kwaajili ya matumizi ya wagongwa katika taasisi hiyo, jijini Dar es Salaam mwishoni mwa wiki. Wanaoshuhudia ni wanachama wa Airtel Diva.

Muuguzi Mkuu wa Taasisi ya Saratani ya Ocean Road (ORCI), Mary Haule (kulia) akiwaongoza wanachama wa kikundi cha wafanyakazi wanawake wa Airtel Tanzania ‘Airtel Diva’, wakati walipotembelea wagonjwa wa taasisi hiyo, baada ya kukabidhi msaada wa machela za kisasa mbili, ‘wheel chair’ mbili na bidhaa mbalimbali vyenye thamani ya zaidi ya milioni 5/-, kwaajili ya matumizi ya wagongwa katika taasisi hiyo, jijini Dar es Salaam mwishoni mwa wiki.

Wanachama wa kikundi cha wafanyakazi wanawake wa Airtel Tanzania ‘Airtel Diva’, wakiwa wamebeba bidhaa mbalimbali, walipotembelea wagonjwa katika Taasisi ya Saratani ya Ocean Road (ORCI) na kukabidhi msaada wa machela za kisasa mbili, wheel chair mbili vyenye thamani ya zaidi ya milioni 5/-, kwaajili ya matumizi ya wagongwa katika taasisi hiyo, jijini Dar es Salaam mwishoni mwa wiki.

Wakibadilishana mawazo na Muuguzi Mkuu wa Taasisi ya Saratani ya Ocean Road (ORCI), Mary Haule.

Picha ya pamoja baada ya kukabidhi vifaa hivyo.

Kampuni ya simu za mkononi ya Airtel kupitia umoja wa wanawake ujulikanao kama Airtel Divas umetoa msaada wa vifaa vya hospitali kwaajili ya wagonjwa wanaosumbuliwa na magonjwa ya saratani katika hospitali ya Ocean road jijini Dar es salaam

Msaada huu unafatia harambee kwa ajili ya kuchangisha pesa iliyofanywa na Airtel Diva mwezi uliopita kwaajili ya kupata fedha za kuwasaidia wagojwa wanaosumbuliwa na magonjwa ya kansa katika hospitali ya Ocean Road.

Akiongea wakati wa kutoa msaada huo mwenyekiti wa Airtel Divas Amitin Mbamba alisema” Tunatambua na tunapokea kwa machungu matatizo yanatowapata wanawake na watoto wanaougua saratani na katika kuadhimisha siku ya wanawake duniani kwa mwaka 2014 tuliamua kuchangisha pesa kwaajili yakutuwezesha kununua vifaa vya hospitali na kuwasaidia wanawake na watoto  pamoja na wagonjwa wengine hospitalini hapa. Na leo tunayofuraha kutoa stretcher 2 pamoja na wheelchair 2 zenye thamani ya shilingi million 5 hospitalini hapa.”

Tunaamini msaada huu utawawezesha wahudumu kupata nyenzo muhimu na kuweza kufanya kazi yao ya kutoa huduma kwa wagojwa kwa ufanisi zaidi.

“Nia yetu ni kuhakikisha tunaendelea kutoa muda wetu na rasilimali katika kushikiri na kuchangia shughuli za huduma kwa jaimii ili kukubailiana na matatizo yanayoikumba jamii inayotuzunguka hususani wanawake wenzetu” aliongeza Mbamba

Mmoja ya wajumbe wa Airtel Divas Bi Deliphina Martin Msuya alisema” tunayofuraha kuwa sehemu ya kutoa msaada kwani tunatambua umuhimu wa wanawake katika kusimamia familia,  inagusa sana kuona jinsi gani wanawake wenzetu wanavyougua au kuuguza watoto wao hospitalini hapa hivyo tunatoa wito kwa wanawake wengine huku nje mmoja mmoja au kwa makundi kuwasaidia wanawake wenzetu walio katika changamoto hizi kwani ni jukumu letu kusaidia wahitaji.

Akiongea mara ya kupokea msaada huo Muuguzi Mkuu wa Taasisi ya Saratani ya Ocean Road (ORCI), Mary Haule alisema” Hospitali yetu inaupungufu wa vifaa mbalimbali zinavyotuwezesha kuhudumia wagonjwa tunashukuru sana Airtel kwa msaada wao na kwa kuwezesha kupata hivi vifaa kwani vitatusaidia katika kutoa huduma na kuongeza ufanisi wa kazi zetu za kusaidia wagonjwa hapa hospitalini. Nachukua nafasi hii kuwaomba makampuni mengine na vikundi mbalimbali kusaidia changamoto zingine zilizopo hospitalini hapa.

Airtel Divas ni mpango ulioanzishwa Airtel Afrika nzima wenye lengo la kuwahamashisha na kuwawezesha wanawake wanaotoka katika makuzi , mila na tamaduni mbalimbali kujiamini na kufanikiwa katika maisha , mpango huu ulizindulia Airtel Tanzania March 2012.